Konferénsia imprensa HNGV kona-ba levantamentu husi membru Parlamentu iha PN kona-ba pasiente mate iha sala operasaun HNGV. Foto TATOLI: Felicidade Ximenes

DILI, 03 outubru 2019 (TATOLI)- Profisionál saúde sira iha HNGV triste ho deklarasaun membru Parlamentu Nasionál (PN) iha loron 30 setembru katak iha indikasaun malprátika iha sala operasaun hodi rezulta pasiente mate ho idade 35 iha Postu Administrativu Uatolari, Munisípiu Viqueue tanba konsidera membru PN la koñese kle´an kazu molok levanta iha PN.

“Kazu mate no membru parlamentu foti sai, primeiru ami hato’o obrigadu ba Parlamentu tanba levanta kazu ida ne’e. Ami triste tanba ita levanta kazu ne’e lakoñese no la hatene kle´an liu kona ba kazu refere,” dehan Diretór HNGV, Aniceto Bareto hamutuk ho profisionál saúde HNGV, liuhusi konferénsia imprensa iha HNGV, ohin.

Kronolojia husi kazu ne´e, Diretór HNGV, Aniceto Bareto haktuir, pasiente mane idade 35 husi Postu administrativu Uatulari, ninia moras ne´e kabun bubu, muta raan, infesaun maka´as durante loron hitu iha uma.

Depois loron hitu lori mai sentru saúde iha Darabai Uatulari no pesoál saúde iha ne’ebá haree kondisaun todan entaun sira transfere mai iha Ospitál Referál Viqueque.

Tanba kondisaun muta raan no kondisaun la di´ak depois sira transfere mai iha HNGV no  tuir mai halo evaluasaun jerál; pasiente iha indikasaun primeiru iha obstrusaun iha intestinu signifika saída, pasajen hahán ne’ebé han la konsege sai mai li´ur, nia taka an metin tanba tee oan dulas aan.

Ita bolu vovulus iha suspeita sangramentu iha intestinu entaun sangramentu mak akontese; ita foti posibiliadade rua de´it tee, oan mak dodok no ku´ak ka baku malu no sona malu mak ku´ak ida infesaun mak ku´ak ka no ida seluk trauma.

Entaun ho kondisaun ne’ebé todan médiku sira iha emerjénsia halo evaluasaun konjunta entre lista anisensia atu halo operasaun depois leno hotu halo intervensaun operasaun maibé doutór ne’ebé atu bius ne’e esplika klaramente katak pasiente ne’ebé atu opera ne’e bele mós salva no labele mos salva no familia konsiente ida ne’e sira asina duni karta depois halo operasaun.

“Saida mak ita hetan iha operasaun primeiru ita-nia intestinu delgadu ne’e nakdulas aan no metan hotu kuaze metru 1 no 80 cm. Segundu, intestinu grosu ka ida te’e nurak ne’e ku´ak fatin barak no mós dodok hotu ona, terseiru ita-nia kabun lolon ne’e kuaze fo´er sai no ita nia fo´er sira iha laran ne’e sintina normal la sai maibé sai fali ba ita nia isin-lolon no pasiente ne’e infensaun grave ona durante semana ida resin iha uma,” klarifika Diretór Aniceto Bareto perante mídia sira.

Nia klarifika tan katak intervensaun antibiotika aimoruk ita fo durante halo operasaun ita halo katak infensaun bele afeita sistema ka órgaun sira seluk inklui mós korasaun tanba ne’e operasaun ne’ebé halo infeksaun jeneldade sira bolu serikemiu no halo operasaun la funsiona durante halo operasaun.

Intervensaun husi entrevista médiku anistensi halo maibé la konsege salva tanba ho kondisaun infesaun ne’ebé grave no grave tanba moras kle´ur iha uma no la halo lalais tratamentu ne’ebé adekuadu durante périodu ida ne’e.

“Tanba ne’e pasiente la konsege salva la´ós opera mak halo mate tanba infeksaun jeneldade mak la konsege kura tanba tempu ka durasaun infesaun ne´e la´o kle´ur no afeta sirkulasaun no selula hotu-hotu no mós inklui selula korasaun ninian no kurasaun la funsiona durante halo operasaun no halo intervensaun dala tolu maibé la konsege salva pasiente ne’e,” informa pesoál saúde ne´e.

Diretór HNGV, Aniceto Barreto haklaken, la´ós atu fó sala ba malu maibé indikasaun bele akontese tanba iha inísiu médiku espesialista hateten ona katak operasaun no la operasaun pasiente ne’ebé mak iha kondisaun krítiku entaun ameasa ema nia vida.

Maibé ita la opera mós mediku sira sala entaun ita opera mós hateten família konsiente maibé família sira asina karta husi médiku hakarak opera depois halo operasaun.

Karik balun mai hateten katak pasiente mai emerjénsia la´o, ko´alia diak ita tenke jusfifika katak tebes ka lae? Maibé ita hare kondisaun ne’ebé médiku sira hasoru mak ida ne’e atu hateten katak ita halo buat hotu maibé la konsege salva tanba kondisaun fisiolojia iha nia isin tuun iha grau ida la funsiona normál no sira ne’e ita bolu dehan órgaun hotu-hotu ita hetan infekaun todan ita bolu dehan multi orgaun disfansilsildron no sindroma disfunsaun la´o loro-loron maibé órgaun rua tolu haat dala ida.

“Ha´u atu esplika deit kona ba montante pasiente ne’ebé baixa iha fulan ualu ikus iha 317 pasiente ne’ebé operasaun iha sala operasaun nian. Primeiru pasiente ne’ebé halo operasaun 317 por mês ne’ebé halo hela operasaun iha sala operasaun nian segundu operasaun kuaze nakonu iha 317 operasaun por mês,” relata médiku timoroan ne´e.

Nia relata tan katak alende husi 317, durante fulan ualu nia laran, mate de´it na´in rua iha sala oloperasaun tanba ninia indikadór ne’e menus iha zero (0) pontu zero dois (02).

“Entaun ita kompara ho nasaun viziñu sira ezemplu semináriu iha Tailándia katak nasaun balun sei iha zero ponto seis (0.6) balun zero ponto quatro (0.4) iha nasaun pasifiku sira no ita tinan liubá ita iha zero ponto cinco (0.5) entaun signifika operasaun ne’ebé akontese iha ita-nia ospitál la iha ida mak aat maibé la´ós ita dehan katak perfeitu maibé hotu-hotu hanesan,” tenik Diretór Aniceto Barreto.

Entretantu, liga ho kazu ne´e,  iha segunda (30/09), membru Parlamentu Nasionál balun akresenta iha PN katak pasiente mate tanba operasaun iha HNGV. Tuir deputadu ne´e katak operasaun suku seidauk hotu, pasiente hakotu ona iis.

Jornalista: Felicidade Ximenes

Editór: Rafy Belo

HAKEREK NO HATÁN

Please enter your comment!
Please enter your name here