Ilustrasaun

DILI, 01 outubru 2019 (TATOLI)- Taxa moras Tuberkuloze (TBC) iha Timor-Leste tama iha segundu lugar aas liu iha Sudeste Aziatíku no estimasaun taxa insidénsia husi populasaun 498 pur 100.000 mak afeita ba moras TBC.

“Taxa mortalidade ne’ebé aumenta aas husi haat nulu resin neen (46) pur rihun atus ida (100.000) iha tinan 2010 to’o atus neen pur rihun atus ida, iha tinan 2017  (46/100,000 in 2010)106/100,000 in 2017),” relata reprezentante Organizasaun Mundiál Saúde (OMS) iha Timor-Leste, Dr. Rajesh Pandav iha nia diskursu bainhira halao whorkshop rezisaun planu estratéjiku nasionál ba TBC ho aproximasaun enkuadramentu bazeadu iha Timor-Leste, iha Suai room, Timor Plaza, ohin.

Nia hateten, Timor-Leste foin atinji de’it kobertura tratamentu TBC ho 54% husi estimasaun insidente pasiente moras TBC hamutuk nain rihun neen atus lima (6500 estimated incident TB patients).

Iha tinan 2017, no ida ne’e rezulta tratamentu ho 45% “Adisionalmente, HIV, diabetes, má nutrisaun no fuma tabaku mak fatór prinsipál ba epidemia moras TBC, kombina ho moras TBC hodi hamate ema iha Timor-Leste no nune’e bolu atensaun urjente.

Iha tinan 2017, pasiente moras TBC 83% mak tuir relatóriu enfrenta problema finanseiru tanba moras TBC  aas liu iha mundu.

Presiza duni hetan intervensaun urjente hodi bele atinji OMS nian meta Estratéjia Hapara TB hodi hamenus insidénsia moras TB husi 50% iha tinan 2025 no 90% iha tinan 2035 (husi figura referénsia tinan rihun rua sanulu resin lima (from 2015 baseline figure).

Rekursu hodi instala rastreiu foun (x-ray dijital movel) no instrumentu diagnóstiku POC (pontu ba kuidadu); hodi garante ema hotu, liu-liu sira ne’ebé mak ho risku aas ba TBC atu hetan rastreiu uainhira sira vizita fasilidade saúde, hadi’ak kualidade tratamentu; parseria estratéjiku no sistema saúde ne’ebé efikás hodi reinforsa prestasaun servisu ba diagnóstiku sedu, ba moras TBC hodi sai hanesan solusaun ida.

“Ho esforsu ida ne’e, Programa Nasionál TB (NTP) ho apoiu husi OMS hala’o ona iha loron ualu to’o sia, fulan agostu no husi loron 1 8 to´o 27 setembru hodi avalia programa TB”.

Tuir reprezentante OMS, revizaun intermediária (Mid-Term Review) estensivu ida ne’e sei guia National Tuberculosis program ( NTP) hodi avalia estratejia atuál no servisu hodi énfaze liu kona-ba perspetiva ne’ebé sentrada ba pasiente no envolvimentu komunidade nian, hodi bele fornese diagnóstiku TB, tratamentu no kuidadu ne’ebé diak, no kordenasaun inter-setorál, hodi permite Timor-Leste atu realiza vizaun hapara TB.

Misaun esternál ba TB kada tinan tolu iha ne’e hodi avalia progresu ba meta kontrolu TB Global husi OMS nian maka atividade planeadu husi NTP, ne’ebé maka hetan asisténsia tékniku husi OMS. Rekomendasaun husi MTR ne’e sei fornese diresaun estratéjiku ba revizaun Planu Estratéjiku Nasionál tinan 2020 to´o 2025 Estratéjia Hapara TB.

“Revizaun nasionál NSP sei inklui mós asaun multi-setorál liuhusi envolvimentu parte interesada hotu hodi responde ba determinante sosiál ba TB, no xave mudansa ne’ebé propoin iha Matadalan NTP TB ba halo diagnóstiku no fó tratamentu TB durante loron tolu iha workshop konsultativu ida ne’e hodi utiliza abordajen ‘estrutura sentrada ba ema’ husi OMS,” informa dr. Rajesh Pandav.

Nia informa tan katak Timor-Leste dezenvolve tiha ona planu estratéjiku nasionál ba TB tinan barak ona, no koñesidu hanesan, nasaun nia vizaun hodi hapara TB. Ida ne’e mós utiliza hodi mobiliza fundus liuhosi doadores, hanesan Global Fund, no governu hodi implementa planu hirak ne’e. OMS agora hahú ona maneira foun hodi dezenvolve planu estratéjiku nasionál no dezenvolve tiha ona “estrutura sentrada ba pasiente” ba planeamentu no prioritizasaun programa TB”.

Estrutura ida ne’e, hodi fasilita esforsu, atu konsolida dadus nasionál no sub-nasionál ne’ebé disponivel, hodi bele informa prioritizasaun no foti desizaun ba planu estratéjiku nasionál no operasionál ba TB. Iha tinan hirak foin lalais ne’e, Timor-Leste atinji ona momentu boot liuhosi konsolida hamutuk sira nia dadus rasik, no agora, iha ona evidénsia sufisiente atu hahú implementa OMS nia estrutura ida ne’e, iha faze pilotu.

Ida ne’e utiliza dadus boot tolu epidemiolojikál, sentrada,no ema, no relasiona ho sistema ida ne’e bazeia ba etapa planeamentu tolu: prioritizasaun ba problema, analize kauza problema, no otimizasaun internvensaun nian. Agradese ba programa Nasionál TB Timor-Leste hodi hahú solusaun inovativu ida ne’e liuhosi dezenvolve Planu Estratéjiku Nasionál ba TB ba tinan lima oin mai ne’ebé maka forte, no ambisiozu hodi hapara TB.

Timor-Leste sei sai hanesan nasaun daruak iha mundu hodi hahú prosesu ida ne’e. Workshop ida ne’e sei lori parte interesada hotu atu servisu hamutuk liuhosi, prosesu ne’ebé defini ho di’ak, bazeia ba dadus nasionál ne’ebé konsolida tiha ona hamutuk ho tratamentu kontinuasaun.

“Rezultadu husi workshop ida ne’e sei fornese etapa tuir mai, ba planeamentu, prioritizasaun no alokasaun ba rekursu, hodi utiliza abordajen sentradu ba ema atu guia prinsípiu planu estratéjiku nasionál ba TB. Nationál Strategic Program tinan 2020 to´o 2025 sei sai hanesan kazu investimentu hodi asegura fundu adekuadu atu bele realiza ambisaun hodi hapara TB iha Timor-Leste,” konklui reprezentante OMS iha Timor-Leste.

Entretantu, wokshop ne´e partisipa husi profisionál saúde timoroan sira hamutuk ho reprezentante OMS ne´e rasik. Workshop ne´e hahú ohin no ramata iha kinta (03/10).

Jornalista :Felicidade Ximenes

Editór       : Rafy Belo 

HAKEREK NO HATÁN

Please enter your comment!
Please enter your name here