Ministru Negósius Estranjeirus no Kooperasaun (MNEK), Dionísio da Costa Babo Soares, Foto Hamutuk ho Ekipa ASEAN "Fact Finding Mission". Imajen/TATOLI

DILI, 27 setembru 2019 (TATOLI)-Diretora Jerál Asuntu ASEAN (Organizasaun Sudezte Aziátiku-sigla inglés), Milena hateten katak ekipa delegasaun “Fact-Finding Mission” ASEAN ne´ebé kompostu husi delegasaun estadu membru ASEAN sanulu ne´ebé vizita Timor-Leste, foin lalais ne´e, foin primeravés akontese mai Timor-Leste.

“Ida ne’e hanesan buat ida ita atinje, ho nia sentidu ida muito significativo tanba ita konsege duni hetan resposta pozitivu tebes husi ASEAN para hetan reprezentante altu nível sira mai, para avalia ita-nia preparasaun ba pilár ida ne’ebé ko’alia kona-ba polítika no seguransa,” hateten Diretora Jerál Asuntu ASEAN, Milena ba Ajénsia TATOLI iha edifísiu Ministériu Negósiu Estranjeiru no Kooperasaun, Praia dos Coqueiros, sesta (27/09/2019).

“Altura ne’ebá, ita-nia ministru sira fó ona sira-nia hanoin, fó ona sira-nia aprezentasaun no mós ho lider husi ita-nia rain esplika sasán sira koresponde ba pergunta 63 ne’ebé sira fó uluk ona mai ita,” tenik tan Diretora Milena.

Nia informa, iha loron 17 liubá, iha enkontru entre membru ASEAN sira, ko´alia kona-ba rezultadu husi vizita “Fact-Finding Mission” nian mai iha Timor-Leste ne´e. Diretora esplika, ne’e konsumu interna ASEAN nian, la partilla ba ita. Ne’ebé, ita la hatene saida mak sira diskute iha ne’ebá.

Diretora reforsa tan katak, buat ida bele hateten sai mak foin daudauk iha dia 17 setembru, sira membru SOM leader, sira hala’o enkontru ko’alia kona-ba Timor-Leste ni’an, ajenda ida husi sira-nia ajenda sira seluk hanesan enkontru baibain entre sira no ajenda ida husi ajenda sira ne´e mak ko’alia mak kona-ba rezultadu husi vizita foin daudauk mai Timór.

“Agora ita iha ona komunikasaun katak sei la akontese tinan ida ne’e, kuaze la akontese tinan ida ne’e tanba tinan ida ne’e hela de’it fulan rua ba oin tan mas inisiu tinan oin, la hatene loos sá fulan, iha fali misaun ida mai atu haree fali ita-nia preparasaun ba sósiu-kulturál,” tenik Diretora Milena.

Jornalista : Nelia Fernandes

Editór       : Rafy Belo

HAKEREK NO HATÁN

Please enter your comment!
Please enter your name here