Eis Presidenti RDTL, Ramos Horta.Imajen/Antonio Goncalves

DILI, 20 setembru 2019 (TATOLI)-Premiadu Novel da Paz, José Ramos Horta hateten, komemorasaun tinan 20 referendu no prezensa forsa manutensaun pás-INTERFET iha loron 20 setembru, fó hanoin ba povu liuliu joven sira kona-ba sakrifísiu eroi sira nian no mós apoiu internasionál sira nian to´o referendu.

Ohin ita bele selebra atividade sira ne’e, iha rai ida moris iha dame nia laran, iha liberdade nia laran,” dehan Premiadu Novel da Paz, José Ramos Horta ba jornalista sira iha Sentru Konvensaun Dili (CCD-sigla portugés), ohin.

Lider másimu timoroan ne´e hateten tan katak governu promove ona atividade lubuk ida hahú jullu, agostu to´o setembru atividade oioin hanesan atividade kulturál, konferénsia, semináriu iha Arkivu no Múzeu Rezisténsia Timor-Leste (AMRT) no universidade sira.

“Atividade ne’e atu fó hanoin fila fali ba juventude oinsá mak ita konsege to’o iha referendu, referendu ne’e akontese tanbasá? Oinsá mak akontese?”.

Eis-prezidente Repúblika, José Ramos Horta mós, iha biban hanesan hateten tan, inaugurasaun Ponte B.J Habiebie ne´e mós hanesan parte edukasaun ida, esplika tanbasá mudansa iha Indonézia iha 1999. Rezultadu luta iha foho, iha rede klandistina, rezultadu asaun diplomátika, konklui eis-diplomata seniór ne´e.

Jornalista : Nelia Fernandes
Editór        : Rafy Belo

HAKEREK NO HATÁN

Please enter your comment!
Please enter your name here