Assesor Reforma Lejislativa, asunto Sosiedade Sivíl MRLAP, Rosito da Silva Belo.Imajen/ Domingos Piedade

DILI, 19 setembru 2019 (TATOLI) – Ministériu Reforma Lejizlativa no Asuntu Parlamentár (MRLAP) hahú loke diskusaun hodi rona apresiasaun husi entidade sosiedade sivíl kona-ba polítika reforma lejizlativa.

Notísia Relevante : MRLAP Sensibiliza Reforma Administrasaun Públika

Assessor Reforma Lejizlativa, Asuntu Sosiedade Sivíl, Rosito da Silva Belo, esplika, atividade ne’e parte husi Polítika Reforma Lejizlativa ne’ebé ho hanoin atu rona organizasaun sira sosiedade sivíl nian kona-ba nesesidade ka problema sira ne’ebé sidadaun sira enfrenta hela.

Ba Ajénsia TATOLI, ohin, iha Palásiu  Governu,  Rosito da Silva Belo, hateten, konsultasaun sira nee importante hodi nune’e Governu bele tetu no hamosu revizaun ka inisiativa lei ka kria medida seluk.

Nia dehan, MRLAP mós konvida Komisáriu Komisaun Anti Korrupsaun (CAC-sigla portugés), Sergio da Costa Hornay, iha atividade konsultasaun sira ne’e atu halo aprezentasaun badak hodi introdús serbisu KAK relasiona ho implementasaun polítika Governu nian no fó rekomendasaun atu hamosu planu estratéjiku nasionál ida ba prevensaun no kombate korrupsaun.

Husi partisipante sira rekomenda atu Governu prioritiza ba lei rai no propriedade, halo revizaun ba lei no sistema aprovizionamentu, hametin kontrolu iha alfándega, avansa ho inisiativa lei organizasaun judisiária no kona-ba lei anti korrupsaun.

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here