Diretór Nasionál Transporte no Terrestre, Natalino do Rosário. Foto/Natalino Costa.

DILI, 19 setembru 2019 (TATOLI) – Diretór Nasionál Transporte no Terrestre (DNTT) Ministériu Transporte no Komunikasaun, Natalino do Rosário, informa empreza ne’ebé maka sai manán-na’in ba iha konkursu prodús xapa matríkula orijinál, daudaun ne’e hahú halo ona produsaun hamutuk 22.000 (rihun 18 ba motór no rihun haat ba karreta).

“Sira informa mai ona iha Diresaun Nasionál Transporte no Terrestre sei prodús 22.000 ba karreta, motór sira no kompañia ne’e garante sei hatama mai iha DNTT iha fulan ida ne’e“, dehan Natalino ba Tatoli iha Ministériu Finansa, Aitarak-Laran ohin.

Nia dehan hafoin kompañia ne’e hatama ona produsaun xapa matríkula, DNTT sei emite kedan ba iha motorista no kondutór sira tantu karreta no motór. Tanba ida ida ne’e sai preukupasaun públiku nian, maibé ho produsaun ne’e bele rezolve ona ejijénsia durante ne’e.

Diretór Nasionál ne’e salienta produsaun xapa matríkula ne’ebé halo la bazeia ba tipu xapa matríkula karreta no motór nian ne’ebe iha hanesan C,D, E no tipu seluk tan, maibé kompañia halo tuir de’it lista ne’ebé maka DNTT submete ba sira.

“Depende sira prodús karreta mak uluk ka motór maka uluk“, dehan Diretór Nasionál Trasporte Terestre ne’e.

Empreza ne’ebé halo produsaun ba xapa matríķula mak Kaikobilari Unipessoal, Lda.

Jornalista : Natalino Costa
Editora : Maria Auxiliadora

HAKEREK NO HATÁN

Please enter your comment!
Please enter your name here