Estudante Ensinu Sekundáriu São Pedro, Lucrécia Araújo dos Reis

DILI, 16 setembru 2019 (TATOLI)-Estudante Ensinu Sekundáriu São  Pedro, Lucrécia Araújo dos Reis orgullu bele reprezenta Timor-Leste (TL) hodi partisipa iha kompetisaun matemátika no siénsia iha Malázia. Maske nune’e, nia sujere ba Ministériu Edukasaun, Juventude e Desportu (MEJD) atu disponibiliza mós oportunidade ba eskola sira iha munisípiu kuandu iha eventu idéntiku bainhira realiza fali.

“Ha’u kontente tebes tanba bele lori nasaun Timor-Leste nia naran partisipa iha eventu kompetisaun hanesan ne’e. Maibé, ha’u kontente liután kuandu eventu hanesan ne’e bele loke oportunidade ba kolega estudante husi munisípiu sira seluk,” hateten Estudante Lucrecia Araújo dos Reis, iha edifísiu MEJD, Vila Verde, Dili, ohin.

Kompetisaun ho tema sentrál Objetivu Dezenvolvimentu Sustentável (ODS). Fatór fundamentál ba kompetisaun ne’e mak kada eskola sira tenke aprezenta saida mak sira kria rasik. “Entaun ita husi Timor-Leste kria eskola jardín ida ne’e ninia matéria hotu mai husi lixu katak buat ne’ebé la uza ona mak ita kria fali ho nune’e mak bele responde ona ba tema sentrál ne’ebé iha”.

Nia mós fó hanoin katak mundu ohin loron kompetitivu tanba ne’e tenke esforsu maka’as hodi aprende.

Notísia relevante:Estudante Lima Sei Tuir Kompetisaun Matemátika Iha Malázia

Jornalista : Tomé Amado

Editór      : Rafy Belo

HAKEREK NO HATÁN

Please enter your comment!
Please enter your name here