Logotipu Tribunál Distritál

DILI, 16 setembru 2019 (TATOLI) – Konsellu Majistratura Timor-Leste (KMTL) foti ona desizaun hodi “muda” juis Tribunal Distritál Dili (TDD) na’in haat (4).

Juis nain haat ne’e mak hanesan, Juiz José Maria de Araújo, atuál Juis Administradór TDD ho Juiza Ana Paula ba Tribunal Distritál Suai, Juiza Jumiaty Freitas ho Juiza Zulmira Auxiliadora, muda ba Tribunal Baucau.

Prezidente Tribunal Rekursu (PTR), Deolindo dos Santo, ohin, informa, tuir estatutu Tribunal kada tinan lima tenke halo rotasaun ba Juis sira liu husi desizaun Konsellu Majistratura Timor Leste (KMTL).

Nia aprofunda katak, desizaun KMTL nian  ne’e bazeia ba deliberasaun koletivu Tribunal Rekursu nian tanba haree ba estatutu Tribunal.

Husi sorin seluk, Juis Administradór Tribunal Distritál Dili, José Maria de Araújo, klarifika katak, sira simu duni orientasaun no desizaun KMTL nian hodi halo rotasaun servisu ba Tribunal Distritál Suai ho Tribunal Distritál Baucau.

“Desizaun ne’ebé konsellu foti ami simu, tanba ne’e ami na’in hat mak sei muda, rua ba Baucau no na’in rua ba Suai,” konfirma Juis José Maria de Araújo.

Juis na’in haat seluk ne’ebé atu troka iha TDD mak hanesan, Juis Afonso Carmona husi Baucau, Juis Antonio Fonseca, husi Suai, Juis João Ribeiro husi Oe-Cusse.

“Ami na’in hat, serteza muda, maibé ha’u nu’udar Administradór seidauk simu despaxu husi konsellu katak se mak atu troka nu’udar administradór Tribunal Distritál Dili nian,” José Maria de Araújo hateten.

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here