Prezidenti Tribunal Rekursu, Deolindo dos Santos. Imajen/Antonio Goncalves

DILI, 16 setembru 2019 (TATOLI)-Prezidente Tribunál Rekursu, Deolindo dos Santos, husu ba públiku atu hato’o keixa ba  Konsellu Superior Majistratura Justisa (KSMJ) bainhira identifika ou hetan juiz sira simu subornu hodi afavór ba desizaun balun ne’ebé prejudika ema seluk.

Notísia Relevante: Disputa Rai Kaitehu, MJ Promete Sobu “Mafia” Justisa

“Ha’u rona, agora hotu-hotu, dehan, Juiz sira simu osan subornu, nune’e mós husi entrevista Kay Rala Xanana Gusmão,  mós ko’alia kona-ba ida ne’e. Ha’u hakarak ko’alia ba Timoroan hotu, se mak iha faktu ruma ba elementu ruma ha’u rasik no juis sira ida mak simu osan subornu hodi  foti desizaun favorese ba ema balun hodi  prejudika ema seluk bele aprezenta keixa ba Konsellu Superior Majistratura  Justisa hodi prosesa,” hatete, Prezidente Tribunál Rekursu, Deolindo dos Santos, ohin, ba Jornalista sira iha Ministériu Finansa, Dili.

Konsellu Superior Majistratura  Justisa nu’udar órgaun ida ne’ebé  halo jestaun ba Juiz sira, tanba ne’e,  bainhira públiku iha faktu bele hato’o keixa iha kualkér tempu.

PTR Deolindo dos Santos, dehan, bainhira identifika Juiz sira komete kazu hirak ne’e, sei hetan prosesu indixiplina no hasai imediata husi ninia kargu hanesan Juiz.

Daudaun ne’e Tribunál iha ona Juiz  na’in 33 no Estajiáriu hamutuk na’in tolu (3).

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here