Primeiru-Ministru, Taur Matan Ruak, kaer liman ho Defensoria Públika Jerál, Câncio Xavier, iha Palásiu Governu. Imajen/António Goncalves

DILI, 13 setembru 2019 (TATOLI) – Haree ba nesesidade servisu no ekipamentu servisu ne’ebé presiza atu reforsa servisu Defensoria Públiku (DP) nian, maka iha polítika Orsamentu Jerál Estadu (OJE) tinan 2020 liu husi Ministériu Justisa, DP husu millaun $2.8.

Notísia Relevante :  Ferias Judisiáriu, Defensor Publika Rejista Kazu 22

Defensór Públiku Jerál, Câncio Xavier, lia tuun dehan, mezmu nia parte aposta montante orsamentu refere, maibé depende ba governu ho Komisaun Revizaun Orsamentu.

“Ha’u hanoin husu parte Defensoria Públika, MJ aloka 2.8 Milloens maibé hein de’it ninia prosesu kontinuasaun lao oinsá,” hateten Câncio Xavier, ohin, bainhira akompaña Ministru Justisa (MJ) Manuel Cárceres da Costa, aprezenta polítika OJE Ministériu Justisa nian ba Komisaun Revizaun Orsamentu iha Ministériu Finansa, Dili.

Kona-ba parte rekursus umanus, oras nee daudaun DP na’in 35 kobre hotu Tribunal Dili, Baucau, Suai no Ermera, inklui mós estajiáriu nain 5 ne’ebé mak halo hela estájiu iha Tribunal Baucau, no ida iha Oe-Cusse. Ba iha parte Dili nian defensór públiku nain 21 inklui Defensor públiku adjuntu no Defensor Públiku Jerál.

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here