Adjuntu Autoridade Munisípiu Dili, José Ximenes Pereira Smith, Imajen/Egas Cristovão

DILI, 11 setembru  2019 (TATOLI)- Hafoin festa konsulta populár, 30 agostu 2019 termina, fasilidade lubun ne’ebé governu investe komesa la’o la organizadu ona. Ezemplu de’it, lampu sira iha Jardín Largo Lecidera, balun komesa rahun no balun mós komesa keima ona.

Kabe ba lampu sira iha Largo Lecidere,  pesoál Seguransa Guardamor, Carlos da Silva, fó sasin katak,  lampu ida at iha Jardín Largo Lecidere Dili la’ós tanba keima maibé ema moras mentál ida  mak lori fatuk tuku rahun lampu ne’e.

“Lampu Largo Lecidere nakfera  la’ós ema normal mak estraga, maibé ema moras mentál ida mak halo nakfera,” hateten Carlos da Silva , ohin, hodi responde Ajensia TATOLI iha Largo Lecidere, Dili.

Kazu hanesan mós komete husi  inan feton ida ho kondisaun moras  mental mós hodi estraga mós lampu ida iha Jardim refere  maibé troka ona.

Iha sorin seluk, Adjuntu Munisípiu Dili, José Ximenes Pereira Smith, sei halo levantamentu informasaun kona-ba estragus hirak ne’e. Maibé  Nia esplika daudaun ne’e, Ajénsia  Dezenvolvimentu Nasionál (ADN)  maka sei iha responsabilidade  jestaun  ba jardín  hotu  iha  Dili tanba ADN seidauk entrega kompeténsia ba Munisípiu Dili.

“Jardín foun iha Dili laran ne’e toma responsabilidade husi ADN nian no mós jestaun hotu, maibé Munisípiu Dili ninia kontribuisaun ba limpeza de’it,” informa Administradór Postu Administrativu Dom Aleixo Interinu ne’e.

Jornalista : Osória Marques

Editór       : Francisco Simões

HAKEREK NO HATÁN

Please enter your comment!
Please enter your name here