Sekretária Estadu Igualdade no Inklusaun, Maria José da Fonseca Monteiro de Jesus. Imajen/ António Goncalves

DILI,  10 setembru 2019 (TATOLI)- Iha planu polítika Orsamentu Jerál Estadu tinan 2020 nian, Sekretaria Estadu Igualdade Jéneru no Inkluzaun (SEII)   propoin atu apoiu subsídiu ba kada suku $10.000 hodi bele haki’it  ekonomia feto  iha suku.

Sekretaria Estadu Igualdade Jéneru no Inkluzaun (SEII) Maria José da Fonseca Monteiro de Jesus, esplika, fundu transferénsia públika  la’ós   gratuitu,  maibé hanesan kapitál rotativu ida ba grupu sira suku ida sei  hetan U$10.000.

Nia esplika, hanesan kapitál investimentu  sei la hela ho osan inan  grupu sira uza investe ba negósiu  laiha funan, to’o tempu ida kuandu sira hetan ona lukru, osan kapitál ne’e  sei entrega fali ba ema seluk hanesan kapitál investimentu iha negósiu.

“Ida ne’e sei depende ba orsamentu ne’ebé sei  iha diskusaun revizaun orsamentál,” Sekretaria Estadu Maria José da Fonseca Monteiro de Jesus, ba Ajénsia TATOLI iha Ministériu Finansas, segunda (09/09/2019).

Nia esplika, kritéria atu hetan subsídiu, ekipa tékniku SEII sei diskute kritéria no mekanizmu sira, maibé sei apoiu prioridade liu ba grupu sira ne’ebé mak durante ne’e seidauk hetan apoiu husi governu.

Jornalista : Nelson de Sousa

Editór       : Francisco Simões

2 KOMENTÁRIU

  1. Nudar grupu ida la konkorda ho durasaun tempu atu revolta osan tnb iha area rural la hnsn vila.
    Pois grupu nbe mk kria kampu ba jovem sra fo benefisiu ba ba jovem sra seluk sei ble la presija revolta osan.

HAKEREK NO HATÁN

Please enter your comment!
Please enter your name here