Diretór Yayasan HAK, Manuel Monteiro Fernandes. Imajen/Osória Marques

DILI, 10 setembru 2019 (TATOLI)-Asosiasaun HAK hamutuk ho nia parseiru sira, ohin, organiza diskusaun meza redonda  atu oinsá hetan solusaun ba komunidade iha remotas kona-ba kualidade, kuantidade ho sustentabilidade bee moos no saneamentu atu bele atinje iha 2030.

Diretór Yayasan HAK, Manuel Monteiro Fernandes, hateten, setór xave ba dezenvolvimentu mak bee moos, saneamentu, ijiene, saúde ho mós edukasaun.

Nia konsidera katak, sistema informasaun seidauk hanesan atu kontribui ba informasaun mak tenke konsidera ba Orsamentu Jerál Estadu (OJE), nafatin ho Serbisu Agua Saneamentu, Saúde, Edukasaun, maibé seidauk hatene problema nia abut loloos iha parte ne’ebé.

Eventu ne’e realiza tanba hetan apoiu husi WaterAid no organiza husi  plataforma Nasional BeSi TL, HAK, Fundasaun Hafoun Timor-Leste (FHTL), Luta ba Futuru, Grupu Feto Foin sa’e Timor Lorosa’e (GFFTL), RAES no Feto Enjeñeira.

Diskusaun meza redonda ne’e partisipa mós husi  panelista  Organizasaun Naun Governmental (ONG) iha TL nune’e mós reprezentante husi governu hanesan Diretór Jerál BeSI, Ministériu Saúde reprezenta husi xefe departamentu Vijilánsia Saúde, reprezentante husi CARE TL, RHTO.

Jornalista : Osório Marques

Editór       : Francisco Simões

HAKEREK NO HATÁN

Please enter your comment!
Please enter your name here