Estruturu RENETIL hala'o enkontru ho Xefe Estadu Lú Olo hodi diskute prosesu hakoi saudozu Rama Metan. Imajen Mídia PR

DILI, 5 setembru 2019 (TATOLI) – Portavóz RENETIL, Carlos da Silva ‘Shaky’ ho nia estrutura, kinta ne’e iha Palásiu Prezidente Nicolau Lobato, ohin, hasoru malu ho Prezidente Repúblika, Francisco Guterres Lú Olo, hodi husu atu Lucas da Costa ‘Rama Metan’ nia mate-isin haloot iha Jardim dos Herois, Metinaro.

Carlos Shaky hateten katak saudozu Lucas da Costa la’ós de’it nu’udar fundadór RENETIL maibé mós nu’udar konseitór no mestre ba membru tomak iha RENETIL bainhira luta hasoru okupasaun illegál iha Indonézia.

Saudozu Lucas da Costa, hanesan mós lideransa RENETIL sira seluk, tuir Mariano Sabino ‘Assanami’ hateten katak bainhira membru RENETIL seidauk rejista hotu, ninian lideransa sira sei la rejista. Tanba ne’e, lideransa RENETIL husu ba Prezidente Repúblika atu bele tetu hodi hakoi saudozu Lucas da Costa iha Jardim dos Herois, Metinaro.

Rejistrasaun iha Comissão Homenagem nu’udar kritériu ida ne’ebé uza hodi hakoi saudozu ida iha Jardim dos Herois.

Ba kestaun ida ne’e, Prezidente Repúblika hateten katak ema hotu rekoñese kontribuisaun saudozu ninian tanba ne’e RENETIL bele ko’alia ho Comissão Homenagem no haruka ninian rekomendasaun atu Xefe Estadu foti desizaun.

Iha loron 5 setembru 2019, Lucas da Costa nia iis kotu iha Hospital Nacional Guido Valadares (HNGV), Dili, tanba infrenta moras komplikadu.

Jornalista: Cipriano Colo

Editór: Xisto Freitas

HAKEREK NO HATÁN

Please enter your comment!
Please enter your name here