Prezidente Repúblika, Francisco Guterres Lú Olo. Imajen Tatoli/ António Gonçalves

DILI, 29 agostu 2019 (TATOLI) – Prezidente Repúblika (PR), Francisco Guterres Lú Olo, veta inkonstusionalidade ba Dekretu Parlamentu Nasionál (PN) nú. 9/V no 10/V, ne’ebé aprovadu  iha  23 jullu 2019, relasiona ho alterasaun ba Lei Atividade Petrolíferu no Lei Fundu Petrolíferu, tuir mandatu Konstituisaun Repúblika nú. 1 artigu 88 no 149.

Tuir komunikadu ne’ebé Ajénsia TATOLI asesu husi mídia Palásiu Prezidensiál ohin hateten, PR Lú Olo simu Akordaun Tribunal Rekursu (TR) iha 27 agustu 2019, ne’ebé  deklara inkonstitusionalidade  ba diploma rua ne’e.

Notísia Relevante: Tribunál Rekursu Deklara Inkonstitusionalidade Alterasaun LFP-LAP

PN Aprova Ona Proposta Lei Haat iha Finál Globál

Bazeia ba akordaun TR, Xefe Estadu ezerse nia direitu konstitusionál hodi veta Dekretu PN.

PR informa akordaun TR ba Parlamentu iha 28 agustu 2019 no husu atu halo reformulasaun tuir akordaun TR.

Xefe Estadu mós husu fiskalizasaun preventiva ba konstitusionalidade Dekretu PN ne’ebé aprova alterasaun ba Lei Atividade Petrolíferu no Lei Fundu Petrolíferu.

Nune’e, bazeia ba pedidu fiskalizasaun preventiva konstitusionalidae ba Dekretu PN, Tribunál Rekursu deklara inkonstitusionalidade.

Jornalista: Cipriano Colo

Editór: Xisto Freitas

 

HAKEREK NO HATÁN

Please enter your comment!
Please enter your name here