DILI, 29 agostu 2019 (TATOLI) – Lider Katólika iha mundu, Papa Francisco, husu ba Estadu Timor-Leste atu kontinua tau-matan ba ninia povu ne’ebé sei moris ki’ak.
“Partikularmente iha nesesidade hanesan ki’ak, ema moras ne’ebé presiza kurativu, edukasaun primária, sekundária no universitáriu ho diginidade serbisu ba povu”, monsénor, Marco Sprizz, hato’o mensajen Papa Francisco iha misa agradesimentu loron konsulta populár ba dala 20 ne’ebé hala’o iha igreja Katedrál, ohin.
Reprezentante Santa Sé ne’e enkoraza lider sira, sosiedade no povu atu kontinua moris iha armonia no serbisu hamutuk hodi atinje povu ninia moris di’ak.
Iha mensajen ne’e, Papa nafatin hato’o ninia orasaun ba povu Timor-Leste, sarani no Bispu sira atu kontinua tane nafatin rezultadu independénsia Nasaun nian ho dignidade.
Jornalista: Agapito dos Santos
Editora: Rita Almeida
Kurativo prioridade ba ukun nain sira hodi ba buka ospital didiak no karun, husik povo halo kurativo iha railaran nebe koloka OGE lasufsiente.
Edukasaun prioriedadw ba ukun nain nia oan sira husik abandona eskola publiku no koloka OGE lasufsiente.
Ukun nain hanoin uluk nia kabun bosu mak ba povu, hanoin uluk nia saude, nia oan sira nia edukasaun.