DOM DUARTE PIO. Foto: Ionline

DILI, 28 agostu 2019 (TATOLI)-Iha ámbitu selebrasaun tinan 20 aniversáriu referendu (Konsulta Populár) no misaun INTERFET, Timor-Leste liuhusi Komisaun Organizadora, sesaun protokolu no serimoniál konvida mós bainaka internasionál sira, ne’ebé sira-nia kontribuisaun direta no indireta ba kauza Timór nian iha dékada rua liu ba.

Tanba ne’e, TATOLI oferese edisaun espesiál ba públiku atu bele koñese liután konvidadu sira ne’e nia perfíl idaidak.

 Iha edisaun dahuluk ne’e, mai ita koñese:

DOM DUARTE PIO

Dom Duarte Pio João Miguel Rafael moris iha loron 15 Maiu 1945 iha Bern, Switzerland, hanesan oan-mane boot husi maun-alin na’in tolu (3) husi Duarte Nuno husi Bragança, no Maria Francisca husi Orléans-Bragança. Ninia aman Liurai Miguel I nia bei-oan, entretantu ninia inan nakeek (cicit) husi Liurai Pedro IV (Imperadór Pedro I husi Brazil), ne’ebé sai nu’udar Liurai Miguel I nia maun rasik.

Liuhusi ninia aman nia jerasaun, nia nu’udar membru ida husi ramu Muguelis husi rai Bragança. Ida ne’ebé reprezenta sai nu’udar Duarte Pio nia aman sarani mak Amu Papa Pius XII, Liurai-Feto Amélie (Liurai Manuel II nia inan, makaer ukun dala-ikus iha Portugal) no ninia Tian Infanta Adelgundes, Liurai-feto Guimarães. Bainhira Duarte Pio moris, nia hetan titulu ka onra DOM (Maromak) no hatemi His Royal Highness no to’o ninia aman nia mate, nia kaer títulu Liurai-Mane Beira no Liurai-mane Bercelos.

Iha loron 13 Maiu 1995, Dom Duarte Pio kaben ho Isabel Inés de Castro Curvelo de Herédia, emprezária Portugal ida no mai husi jerasaun raan liurai nian. Kazamentu ida ne’e nu’udar kazamentu dahuluk husi membru família liurai Portugal nian ne’ebé hala’o iha Portugal husi Liurai Carlos I nia kazamentu iha 1886. Serimónia kazamentu refere hala’o iha Konventu Jerónimos iha Lisboa ne’ebé lidera husi Kardinál António Ribeiro. Serimónia refere partisipa husi figura polítika importante sira iha Portugal inklui Prezidente da Repúblika Portugal, Mario Soares, Primeiru-Ministru Aníbal Cavaco Silva no mós reprezentante ua’in husi liurai sira iha Europa mós marka prezensa.

Dom Duarte nia kontribuisaun ba kauza Timór, nu’udar ativista, iha okupasaun Indonézia, iha périodu krusiál sira to’o referendu.

(Redasaun)

HAKEREK NO HATÁN

Please enter your comment!
Please enter your name here