Serimónia asinatura kontratu foun, partilla solusaun Timor-Leste (TL) no MoU kooperasaun relativu tratatadu fronteira marítima TL-Austrália, iha Novo Turismo, Lesidere, ohin. Imajen-Tatoli.

DILI, 28 agostu 2019 (TATOLI)-Ministru Rekursu Norte Austrália, Senadór Hon Matthew Canavan, dehan tratadu fronteira marítima tama vigór,  Austrália  tenke rekoñese jurisdisaun no direitu eskluzivu Timor-Leste (TL) nian hanesan parte ida husi Área Dezenvolvimentu Petrolíferu Konjuntu (JPDA-sigla inglés).

“Ha’u hakarak hato’o ha’u-nia apresiasaun no apoiu ba soberania eskluzivu ba timoroan sira atu deside saida maka akontese iha sira-nia área no oinsá rekursu influénsia sira iha área nasaun nian bele dezenvolve Timor-Leste nia interese”, Senadór Norte Austrália apoia Timor-Leste liuhosi mensajen gravadu iha salaun Novo Turizmu, Lesidere, ohin.

Senadór Hon Matthew  Canavan, adianta Governu Austrália fó apoiu no suporta nafatin atu Timor-Leste bele atinje nia objetivu dezenvolvimentu.

Senadór Norte Austrália dehan : “Ita-nia nasaun rua iha futuru servisu besik malu hodi hakat bá oin. Ha’u hein katak ha’u sei bele mai vizita Timor-Leste iha tempu badak nia laran, no dala ida tan ha’u agradese wa’in ba servisu hotu no servisu oras naruk nian ne’ebé la’o hela hodi to’o iha ne’ebá. Ha’u dezeja ba buat hotu no mós ba kompañia sira ne’ebé envolve”, tenik.

Jornalista : Florencio Miranda Ximenes

Editora : Maria Auxiliadora

HAKEREK NO HATÁN

Please enter your comment!
Please enter your name here