Diretór Jerál Peska, Acacio Guterres hatudu hela aparellu teknolojia ki'ik Pelagic Data Systems. Imajen/ Florencio Miranda Ximenes

DILI, 27 agostu 2019 (TATOLI)–Diretór Jerál Peska hosi Ministériu Agrikultura no Peska (MAP), Acácio Guterres, hateten MAP koopera ho WordFish atu monta númeru aparellu sistema dadus “Pelágicos” ho unidade 500 ba ró peskadór sira nian.

Ho sistema aparellu ne’ebé monta iha ró nasionál inklui ró individuál bele rekolla dadus espésie ikan, dadus ne’e importante oinsá bele halo jestaun ba rekursu tasi-laran, liuliu dadus ba ofisiál peska sira, peskizadór no instituisaun relevante hosi nasionál to’o lokál.

“Kuandu ita uza aparellu pelagic data system, ita bele hetan dadus ne’ebé importante, atu oinsá maka ita halo jestaun ba ita-nia rekursu iha tasi-laran”, salienta Acácio Guterres iha ámbitu lansamentu sistema monitorizasaun Peska iha edifísiu MAP, Komoro, ohin.

Nia dehan WorldFish maka apoia aparellu hamutuk 500, tanba ne’e atu rekruta kolletór sira hodi monitoriza sistema iha terrenu hodi rekolle kuantidade ikan hodi haruka direta liuhosi tablet ba upload automatikamente ba dadus pipeline.

“Aparellu hirak ne’e sei uza sistema online  tanba ita-nia staff no peskadór sira iha kampu servisu atu hetan dadus espésie ikan, sira monitoriza movimentasaun ró ita tasi Timór”, akresenta.

Aparellu ne’e sei fó karaterizasaun detallada kona-ba peska iha Timor-Leste, no jestaun ba desizaun sira hodi sai adaptivu ba sistema ne’ebé subliña ona iha área peska ho nia tipu produtividade peska iha Timor-Leste, antes ne’e seidauk deskobre.

Jornalista : Florencio Miranda Ximenes

Editora : Maria Auxiliadora

HAKEREK NO HATÁN

Please enter your comment!
Please enter your name here