iklan

EKONOMIA, HEADLINE

DNTT Sei Rezolve Zebra Cross Ne’ebé Hahú “Lakon” Iha Estrada

DNTT Sei Rezolve Zebra Cross Ne’ebé Hahú “Lakon” Iha Estrada

Señora ida hakat iha pasadeira (zebra cross) iha Palásiu Governu nia sorin.

DILI, 27 agostu 2019 (TATOLI)-Xefe Departamentu Sinál no Tráfiku husi Diresaun Nasionál Transporte no Terrestre (DNTT) Ministériu Transporte no Komunikasaun (MTK), João Eugénio da Silva, hatete DNTT sei toma atensaun ba sinál tránzitu sira ne’ebé maka aat ona, liuliu ba zebra cross (pasadeira) sira ne’ebé hahú “lakon” daudaun iha estrada.

“Ami sei toma atensaun hodi resolve zebra cross ne’ebé agora balun moos ona tanba ne’e importante”, João Eugénio afirma iha Balidi, ohin.

Nia dehan husi DNTT halo ona komunikasaun ho kompañia ne’ebé toma konta ba kestaun ne’e atu rezolve, nune’e motorista no kondutór sira bele respeita inklui maluk sira la’o ain.

Aléinde ne’e kona-ba sinál tránzitu seluk hanesan semáforu (lampu merah) sira uluk la funsiona di’ak, agora, empreza ne’ebé toma konta halo ona manutensaun no daudaun funsiona hotu ona.

Jornalista : Natalino Costa

Editora : Maria Auxiliadora

iklan
iklan

Leave a Reply

iklan
error: Content is protected !!