Reitór IOB, Augusto Soares. Foto: Portal IOB

DILI, 23 agostu 2019 (TATOLI)- Ensinu Superiór Privadu, Institute of Bussiness (IOB) gradua tan na´in 272. Estudante sira ne´e kompostu husi Fakuldade Informátika no Teknolojia, na´in 184 no  Fakuldade Ekonomia no Jestaun (FEJD) hamutuk estudante na´in 84.

Magnifiku Reitór IOB, Augostu da Conceição Soares hateten graduantes tinan akademiku 2019 ne’e simu ona matenek iha IOB no agora fila fali aplika ba sira nian aan ba  familia no mós ba nasaun Timor- Leste.

IOB hakarak ninia ema sira tenke sai inovadór, inspiradór no mós sai kreativador. “Tan ne’e buka atu hakas an nafatin hatudu kapasidade ne’ebé iha hodi promove liután IOB ninia imajen iha sosiaedde no komunidade sira le’et,” sujere Reitór Augostu da Conceição.

Nune’e mós, Fundadór IOB, Abel Ximenes agradese graduante no inan-aman sira ne’ebé durante tinan haat ho esforsu tomak bele atinje progresu ida ne’e.

“Ohin sira kompleta ona lisensiatura no baxarelatu iha instituisaun ne’e ita fiar katak ho matenek ne’ebe sira hetan iha institutu ne’e, sira bele fahe fali ba ema komunidade no sosiedde nia laran,” tenik nia baa jornalista sira iha Kampus IOB, Fomentu, sesta (23/08/2019).

Enkuantu, reprejentante graduante 272, Valeriano Guterres agradese formadór sira ne’ebé ho pasiénsia fahe ona matenek ba sira. Nu´udar bukae ida ne’ebe sei sai siénsia ida atu tulun hodi hatutan dalan ne’ebé sira sei hakat dadaun.

“Obstakulu ne’ebé ami hasoru iha tinan haat liubá sai referénsia ida ba ami 272 ne’e. Ami fiar maske sei fila fali hamutuk ho sosiadade maibe ami sei la mesak tanba matenek ne’ebé ami hetan iha ne´e (IOB) ami sei mai dere fali odamatan hodi husu nafatin apoiu” nia kompromete.

Entretantu graduasaun ensinu superiór privadu ne´e nu´udar graduasaun ba XII.

Jornalista : Tomé Amado

Editór       : Rafy Belo

HAKEREK NO HATÁN

Please enter your comment!
Please enter your name here