Diretor Nasionál Terras no Propriedades (DNTP), Francisco R. Borges Gutteres. Imajen/Domingos Piedade Freitas

DILI, 21 agostu 2019 (TATOLI) – Diretór Nasional Terras e Propriedades (DNTP), Francisco R. Borges, informa, Governu iha ona planu atu reativa selu taxa ba uma estadu ne’ebé komunidade sira okupa iha Dili laran.

“Oras nee daudaun, tékniku sira identifika ona fatin sira mak hanesan Delta 1, 2, 3, 4, Osindo 1, 2, 3 liga ho Surikmas, Comoro, Tasi Tolu, BTN 1, 2, 3, Becora parte balun inklui mós ba munisípiu sira atu reativa fila fali fó kontribuisaun ba estadu,” informa Francisco S. Borges, ba Ajénsia TATOLI, iha DNTP, Mandarin,  Dili, kuarta (21/08/2019).

Aplikasaun taxa ne’e sei kobra kada uma purvolta $10.00-$15.00 ne’ebé implementa tiha ona iha tinan 2004, maibé tanba tama ba iha tinan 2006 la ativa tanba krize polítika no militár.

Iha tempu badak DNTP sei halo identifikasaun ba mapeamentu iha kapitál Dili husi Becora too Tasi-Tolu, hodi deskobre rai estadu no rai abandonadu sira. Nune’e, bele fasilita DNTP hodi fasilita no sensibiliza lei balun antes selu iha banku.

Jornalista : Domingos Piedade Freitas

Editór       : Francisco Simões

 

 

HAKEREK NO HATÁN

Please enter your comment!
Please enter your name here