Ian Martin kaer liman ho labarik mane ida nebe tara tais ba nia uainhira to iha Aeroportu Nicolao Lobato Dili, 21 Agostu 2019. Ian Martin mai Timor Leste hanesan representante Sekretariu Jeral Nasaun Unidus, Antonio Guteres hodi partisipa iha 20 anos referendum 30 Agostu 1999-30 Agostu 2019. Imajen/Antonio Goncalves

DILI, 21 agostu 2019 (TATOLI)—Diretór Jerál Asuntu Konsulares, Protokolares no Mídia iha Ministériu Negósiu Estranjeiru no Kooperasaun, Juvêncio de Jesus Martins, ohin, informa Eis Xefe UNAMET, Ian Martin, to’o iha Timor-Leste bazeia ba orientasaun husi Sekretáriu Estadu Nasaun Unidas (ONU), Antonio Guterres, atu partisipa komemorasaun aniversáriu Konsulta  Populár ba dala-20 iha Timor-Leste.

Eis Xefe UNAMET iha Timor-Leste iha tinan 1999 ne’e, reprezenta Sekretáriu Jerál Nasoins Unidas (ONU), Antonio Guterres, atu partisipa komemorasaun Loron Konsulta Populár ba dala-20 no atu observa direta progresu dezenvolvimentu iha Timor Leste durante tinan 20 nia laran ne’e.

“Atividade ne’ebé eis xefe UNAMET ne’e sei halo iha Timor-Leste maka sei reprezenta Sekretáriu Jerál ONU (Antonio Guterres) hodi ba aprezenta video ho mensajen husi Sekretáriu Jerál ONU iha parlamentu, ba estadu, governu no povu tomak iha Timor-Leste iha loron 30 Agostu 2019,” informa Diretór Jerál Asuntu Konsulares, Protokolares no Mídia, Juvêncio de Jesus Martins, ba Ajénsia TATOLI iha nia Aeroportu Nicolau Lobato, Dili, kuarta (21/08/2019).

Diretór Jerál ne’e hatutan, eis xefe UNAMET ne’e mós sei partisipa iha programa seluk hanesan inaugurasaun Ponte Bidau no akompaña troka nota entre Governu Australia no Governu Timor-Leste nune’e mós sai sasin ba komemorasaun Loron Konsulta Populár kalan iha Tasi Tolu.

Diplomata ne’e informa, iha loron 4 setembru 2019 reprezentante Sekretáriu Jerál ONU, Ian Martin, sei halo anúnsiu ida ne’ebé hanesan replika ida ba tinan 1999, iha Hotel Timor hafoin halo atividade marsa pás nian.

Jornalista: Nelia Borges

Editór      : Rafy Belo

HAKEREK NO HATÁN

Please enter your comment!
Please enter your name here