Segundu Komnadante Jerál PNTL, Komisáriu Mateus Fernandes, ho parseiru TLPDP-Polisia Federál Australia, inaugura uma unidade pesoál vulneravel Munisípiu Dili, segunda (19/08/2019). Imajen/Nelson de Sousa.

DILI, 19 agostu 2019 (TATOLI)-Polisia Nasionál Timor-Leste (PNTL sigla-portugés) hamutuk ho Parseiru Programa Dezenvolvimentu Polisia Timor-Leste (TLPDP-sigla inglés)  polisia Federál Australia,  ohin, inaugura uma unidade pesoál Vulneravel Munisípiu Dili.

Inaugura Uma Unidade Pesoál Vulneravel Munisípiu Dili. Imajen/Nelson de Sousa

Ho fasilidade uma  Unidade Pesoál Vulneravel ne’ebé estabelese iha Polisia Munisípiu Dili nia arredores ne’e  atu fasilita liu tan servisu PNTL hodi   fó atendimentu ba komunidade liu-liu  ba labarik no inan feton ne’ebé sai  vítima  ba  violénsia seksuál ho violénsia doméstika.

Uma ho fasilidade ne’e ofisiálmente inaugura husi Segundu Komandante Jerál PNTL Komisáriu Mateus Fernandes, akompaña husi komandante TLPDP-polisia Federál Australia  Geof Turner, no partisipa direita husi komandante kargu xefia PNTL, reprezentante Embaixada Nova Zelándia, Embaixada Indonézia, lider komunidade Suku Caicoli no konvidadu sira seluk.

Komisáriu Mateus Fernandes, lori Komandu PNTL nia naran hato’o agradese wain ba parseiru PLPDP ne’ebé bele tulun ona servisu PNTL nian hodi harii uma foun ida ne’e.

Tuir nia, asuntu vulneravel pesoál hanesan ameasa nasionál. Tanba ameasa ba labarik no inan feton sira. Ho ida ne’e,   TLPDP ne’ebé tau atensaun tebes, liu husi kria kondisaun ne’ebé iha.

“Ba oin PNTL sei  fó atendimentu di’ak liu tan ba komunidade sira liu-liu iha Munisípiu Dili,” afirma Segundu Komandante PNTL Komisáriu Mateus Fernandes.

Segundu komandante PNTL  husu ba  membru PNTL sira atu utiliza fatin ne’e ho kuidadu. Tanba uma ne’e apoiu husi  TLPDP ho  Totál orsamentu $30.000,00.

Uma ne’e rasik, kompleta ho fasilidade servisu nian ho Komputadór 8, meza-kadeira ne’ebé apoiu husi TLPDP. Nune’e mós iha  fatin ba atendimentu  entrevista vítima sira, aula pesoál PNTL tur fatin hala’o servisu, hariis fatin, kompleta ho bee moos no sira seluk tan.

 Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here