Povu Indonézia rezidente iha Dili. Foto: KBRI Dili

DÍLI, 17 agostu 2019 (TATOLI)-Indonézia komemora Indepedénsia ba dala 74. Komemorasaun loron importante Indonézia ne´e mós realiza iha KBRI (Kedutaan Besar Republik Indonesia), ne´ebé lidera rasik husi Embaixadór RI mai Timor-Leste, Sahat Sitorus. Nu´udar nasaun viziñu, nu´udar povu viziñu, timoroan sira mós hato´o sira-nia kongratulasaun.

 Akompaña Vox pop tuir mai:

“Hanesan viziñu, kultura ne’ebé mak besik atu hanesan, kongratula Indonézia ba sira-nia loron independénsia. Ha´u fiar katak ho loron independénsia sira selebra, sira sei fó tan apoiu ba Timor-Leste atu tama ba ASEAN ne’e sei maka’as liután”.

Luis Pereira Cardoso, Xefe Departamentu Relasaun Internasionál UNPAZ

“Parabéns ba povu Indonézia no mós ba Estadu Indonézia ne’ebé mak komemora nia loron ka aniversáriu independénsia ba tinan-74. Susesu nafatin iha sira nia estadu no governasaun ne’ebé lidera hosi Prezidente Jokowi. Husu sira-nia apoiu ba Timor-Leste atu sai membru ASEAN”.

Almerindo A. Fatima Teodoro, Xefe Aldeia Clak-Fuik, membru Konsellu Suku Becora

Jornalista: Nelia Fernandes

Editór      : Rafy Belo

HAKEREK NO HATÁN

Please enter your comment!
Please enter your name here