Diretór DNTT, Natalino de Rosario. Imajen Egas Cristovão.

DILI, 16 agostu 2019 (TATOLI)- Diretór Nasionál Transporte no Terrestre (DNTT) Ministériu Transporte no Komunikasaun, Natalino do Rosário, hatete DNTT iha tinan ne’e prevee osan $24.588 hodi hola blanku ba karta kondisaun orijinál, nune’e bele fornese ba motorista no kondutór sira.

Iha 2018, DNTT la konsege kompra blanku ba karta kondusaun no xapa matríkula tanba impase polítika ne’ebé uza de’it orsamentu duodésimu, nune’e iha 2019 DNTT tau fali iha planu atu sosa.

Totál blanku ne’ebé maka diresaun propoin atu hola mak rihun 40, maibé tanba orsamentu ne’ebé aloka lato’o atu kobre. “Tanba ne’e ami só bele kompra 24.588 (mil dolár), nune’e mós ba xapa matríkula tinan ne’e ita tenke kompra maizumenus 30 mil e tal dólares, maibé tanba orsamentu lato’o kompra de’it iha 22 mil e tal”, Natalino do Rosário informa iha nian knaar fatin Balidi, ohin.

Kona-ba ida ne’e, prosesu kontinua la’o no agora iha hela aprovizionamentu MTK nian no bainhira mak bele realiza kompra ne’e, DNTT hein de’it prosesu ne’ebé ministériu halo.

“Ami hato’o de’it planu no akizisaun ne’e Ministériu Transporte nian tanba prosesu aprovizionamentu sira maka halo no sira maka iha kompeténsia”, tenik Natalino.

Jornalista : Natalino Costa

Editora : Maria Auxiliadora

HAKEREK NO HATÁN

Please enter your comment!
Please enter your name here