Prezidente Konsellu Administrasaun ANATL, Romualdo da Silva. Foto/Natalino Costa.

DILI, 15 agostu 2019 (TATOLI)-Prezidente Konsellu Administrasaun Ajénsia Nasionál Aviasaun Timor-Leste (ANATL), Romualdo da Silva, hatete ANATL haruka estudante na’in-neen bá estuda iha Indonézia  hodi prepara rekursu umanu ba futuru liuhusi kooperasaun  ho Fundu Dezenvolvimentu Kapitál Umanu (FDCH, sigla portugés).

“Foin daudaun ami hetan osan uitoan, 50 mil ba bolseiru, ami halo ona rekrutamentu ba estudante na’in-neen no teste hotu ona agora ami trata hela fulan oin estudante sira bele arranka bá Surabaya (Indonézia)”, Romualdo dehan iha aeroportu Komoro, ohin.

Tuir Prezidente Konsellu Administrasaun katak estudante sira ne’e, na’in-rua sei bá estuda iha kontrolu tráfiku aéreu ka ATC (air traffic control), na’in-rua iha área eletrisidade nian no na’in-rua iha área enjeñeiru ba teknik landasan ba diploma três nian.

“Iha setembru nian laran sira sei arranka hodi halo estudu atu prepara ba rekursu umanu ANATL nian aban-bainrua”, hatete Romualdo da Silva.

Nia hatutan ANATL rasik iha tinan oin sei kontinua buka no komunika ho FDCH atu hetan nafatin subsídiu uitoan, nune’e bele fó oportunidade nafatin ba estudante sira ne’ebé akaba iha 2019 bele kontinua eskola.

Jornalista : Natalino Costa

Editora : Maria Auxiliadora       

HAKEREK NO HATÁN

Please enter your comment!
Please enter your name here