ISC

DILI, 13 agostu 2019 (TATOLI)—Reitór Intitutu Superiór Cristal (ISC), Sebastião Pereira, husu ba Governu liuliu Ministériu Ensinu Superiór Siênsia no Kultura (MESSK) atu fó koñesmentu ba sira bainhira governu halo ninia fiskalizasaun atu nune’e sira bele prepara kondisaun institutu nian ho di’ak.

Reitór ne’e preokupa ho minsitéru kompetente ne’ebé halo beibeik ona ninia fiskalizaun ba Institutu Ensinu Superiór sira nunka hato’o koñesementu ne’e laduun di’ak, tanba ministru nu’udar figura importante ida ne’ebé tenke hetan mós tratamentu ida adekuadu no di’ak.

“Ha’u laduun konkorda fisklalizasaun urjente ne’ebé Ministru Longuinhos halo ba ISC sein informasaun, ne’e hatdu katak laduun fó konsiderasaun ba ami. Atu oinsa mós di’ak liu fó hatene uluk mai ami atu nune’e bele prepara netik kondisaun ruma ba Ministru,” dehan Reitór Institutu Superior Cristal (ISC), Sebastião Pereira, ba Ajénsia TATOLI liuhusi entrevista iha nia kna´ar fatin, Balide, Dili, tersa (13/8/2019).

Realidade akontese ona, nia hatutan, iha ISC no klase paralelu iha munisípiu sira bainhira ministru ba halo fiskalizasaun laiha dosente no estudante sira. Di’ak liu tenke iha kooperasaun ho ba instituisaun sira tanba ne’e relasiona ho krediblidade institusionál tanba la fó konfiansa ba institutu sira.

Entretantu, hatán ba preokupasaun ida ne’e, Ministru Ensinu Superiór Siênsia no Kultura (MESSK), Longuinhos dos Santos, hateten fiskalizasaun urjente ne’e atu bele haree direta kondisaun no situasaun reál iha terenu, ne’e duni la presiza fó koñesementu ba instituiusan sira.

“Se ha’u ninia fiskalizasaun ne’e mak instituiusaun tenke hatene, otomatikamente ha’u ba sira sei prepara kondisaun sira ho di’ak. Tanba ne’e mak ha’u ba nonook de’it hodi haree sira-nia preparasaun ne’e iha duni ka la’e,” nia dehan.

Tanba, nia hatutan, intituisaun ida kundu eziste ona la presiza hein ministru ida atu ba mak foin prepara. Kualker tempu tenke prepara aan nafatin atu nune’e mak bele garante instituisaun ninia kualidade hodi bele produs estudante ida ho kapasidade atu bele kompete iha merkadu traballu ba futuru.

Notísia relevante:Klase Paralela ISC Iha Aileu Ameasadu Taka

Jornalista: Tomé Amado

Editór      : Rafy Belo

HAKEREK NO HATÁN

Please enter your comment!
Please enter your name here