Ekipa Taks Force PNTL. Imajen/Dok. TATOLI

DILI, 14 agostu 2019 (TATOLI)-Komandante Jerál Polisia Nasionál Timor-Leste (PNTL), Komisáriu  Faustino da Costa, ohin,  halo lansamentu ba programa formasaun kona-ba OST (Officer Safety Training)  ne’ebé maka sei implementa iha Munisípiu 12 inklui Rejiaun Administrativu Espesiál Oe-Cusse Ambeno (RAEOA).

Formasaun ne’e foka liu iha área protesaun diretu umanu bainhira uza forsa hodi halo atuasaun ba konflitu iha terrenu. Nune’e, membru PNTL  sira bele iha koñesimentu natoon atu atende problema ho profisionalizmu liu tan.

Formadór  ba formasaun ne’e mai hosi Akademia Polisia  no hetan asesória hosi TLPDP (Timor-Leste Police Development Programe) ne’ebé dezenvolvidu hosi Polisia Federal Austrália no  parseiru ho PNTL.

Partisipa iha serimónia ne’e maka Embaixadór Australia iha Timor-Leste, Petter Robert, reprezentante Embaixadór Nova Zelándia iha Timor-Leste, Komandante TLPDP  no Polisia Federal Austrália, Geoff Turner inklui mós Komandante PNTL Munisípiu hotu.

Jornalista : Nelson de Sousa

Editór       : Francisco Simões

 

HAKEREK NO HATÁN

Please enter your comment!
Please enter your name here