Kontra-atake entre ekipa Timor-Leste no Indonézia. Imajen Mídia AFF

DILI, 8 agostu 2019 (TATOLI)—Selesaun Nasionál U-18 derrota ho Indonézia iha jogu Asian Football Federation (AFF) ne’ebé hala’o iha Vietname, kinta ne’e, ho rezultadu golu 4-0.

Jogu primeira parte hahú ekipa rua lansa kedas kontra-atake ba malu tuir tékniku ida-idak nian. Maibé, Timor-Leste iha oportunidade barak labele kontrola ho di’ak. Enkuantu, Indonézia konsege lidera kedas 3-0 iha primeira parte.

Lee mós: Selesaun Nasionál U-18 Dere Brunei Darussalam 7-2

Golu tolu hatama iha primeira parte hosi jogadór, David Maulana iha minutu 9, Mohammad Salman Alfarid 41, no Beckham Putra 47. Hakat ba segunda parte, Timor-Leste tenta halo kontra- atake maibé ekipa Indonézia la fó fatin no hakat ba minutu 79, jogadór Indonézia Sutan Zico prodúz tan golu ida hodi muda rezultadu ba 4-0 to’o jogu termina.

Maski lakon hasoru Indonézia, Timor-Leste sei iha oportunidade hodi hasoru tan Laos no Filipina nune’e bele desidi Timor-Leste nia destiñu hakat ba meiu finál ka lae.

Tabela klasifikasaun provizóriu Tasa AFF U-18

  1. Indonézia (pontu 6 ) ( Golu 11-2)
    2. Myanmar (pontu 6) (Golu 7-2)
    3. Timor-Leste (pontu 3) ( Golu 7-6)
    4. Laos (pontu3) (Golu 2-3)
    5. Brunei (pontu zero) (Golu 2-8)
    6. Filipina (pontu zero) ( Gol4 2-11).

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here