Ekipa Timor-Leste nia jogu iha Tasa AFF. Imajen Mídia AFF

DILI, 7 agostu 2019 (TATOLI) – Asistente Treinadór Selesaun Nasionál U-18, Mohamad Niko, hateten vitória ne’ebé Timor-Leste (TL) hetan husi jogu kontra Brunei Darussalam ho rezultadu 7-2, iha jogu Asian Football Federation (AFF) 2019, tanba liña koordenasaun di’ak entre treinadór ho jogadór hotu.

“Ita nia jogadór sira hatudu joga di’ak, tanba ami iha liña koordenasaun no estratéjia ne’ebé di’ak mak ita hodi manán Brunei ne’e, loloos ita manán ho golu ne’ebé liu hosi 7, maibé laiha buat ida ita bele manán ona”, nia dehan ba Agência Tatoli via ligasaun telemóvel, kuarta ne’e.

Asistente Treinadór Selesaun  Nasionál U-18, Mohamad Niko. Imajen: Espesiál

Hanesan assistente treinadór, Mohamad fiar ekipa Timor-Leste sei susesu iha jogu AFF, maski hasoru nasaun zigante barak.

Nia dehan tan, kondisaun saúde jogadór nian dadauk ne’e di’ak hotu, tanba ne’e jogu tuir mai hasoru Indonézia bele hatudu rezultadu ne’ebé di’ak liu.

Entretantu jogu ne’ebé hala’o, Timor-Leste uza formatu 4, 2, 3, 1.

Tabela klasaifikasaun provizóriu:

  1. Indonézia     (pontu 3)  ( golu 7-1)
    2. Timor-Leste  (pontu 3)  (golu 7-2)
    3. Myanmar     (pontu3)  (golu 3-1)
    4. Laos (pontu zero)  (golu 1-3)
    5. Brunei Darussalam (0 poin) ( golu2-7)
    6. Filipina (pontu zero) (golu1-7).

Jornalista: Hortençio Sanchez

Editór: Xisto Freitas

Notísia Relevante: Selesaun Nasional U-18 Dere Brunei Darussalam 7-2

HAKEREK NO HATÁN

Please enter your comment!
Please enter your name here