Atividade kuda ai-oan parte ida hodi proteze ambiente hosi dezastre naturais. Imajen/TATOLI

DILI, 07 agostu 2019 (TATOLI)- Akademia Hadomi Natureza (AKAHANA) husi Universidade Nasionál Timor-Leste husu ba entidade hotu liu-liu timoroan sira atu prezerva di’ak liután natureza sira tanba natureza sira ne’e mak asegura ona patrimóniu estadu timor nian to’o ukun rasik aan.

“Ita to’o agora debe hela natureza sira ne’ebé mak uluk asegura ita-nia luta na’in sira tan ne’e ita tenke prezerva didi’ak sira,” hateten Responsável AKAHANA, Juviano Salve Reis ba Ajénsia TATOLI, iha Fakuldade Agrikultura, Kampus UNTL, kuarta (07/08/2019).

Tanba ne’e Responsavel AKAHANA, Juviano Salve Reis hateten timoroan hotu iha responsável morál atu asegura didi’ak natureza sira ne’e.

Nia dehan, iha 2014 kuandu AKAHANA hala’o ninia atividade iha Larigutu kuaze kondisaun hotu iha ne’ebá diferensa hotu ona. Fatin barak ne’ebé luta na’in sira utiliza hodi alkansa mehi ba ukun rasik aan ne’e mudansa hotu ona.  “Se entidade hotu la preokupa kondisaun natureza sira ne’ebé iha ligasaun ho istória luta ba  ukun aan ne’e, neineik ba neineik fatin sira ne’e sei lakon hotu,” nia konsidera.

Responsável AKAHANA ne’e haktuir, iha 2015 kuandu AKAHANA realiza tour ida durante fulan tomak hahú husi Jaco ba ro’o Oe-cusse dadus barak mak oras ne’e AKAHANA prezerva atu ajuda governu bele prezerva di’ak liután fatin istóriku sira ne’e. “Ami-nia atividade tour la’o ain husi Jaco ba to’o Oe-cusse ne’e agora ami hakerek ona relatóriu hodi rekomenda ba parte hotu atu nafatin asegura ita-nia natureza sira”.

“Tanba husi buat rua importante ne’ebé la bele haketak mak sítiu rezisténsia la bele haketak husi kondisaun natureza,” hateten Responsável AKAHANA, Juviano Salve Reis.

Notísia relevante:ESHANA La’o Ain Presta Omenajen ba FALINTIL

Jornalista :Tome Amado

Editór       : Rafy Belo

HAKEREK NO HATÁN

Please enter your comment!
Please enter your name here