Diretór Administrasaun Planeiamentu no Finansa, Adolmado Soares Amaral

DILI, 6 agostu 2019 (TATOLI)–Reprezentante ezekutivu Liga Futeból Amadora (LFA), liuhosi Diretór Administrasaun Planeamentu no Finansa, Adolmado Soares Amaral, informa jogu segundu volta sei hala’o hotu iha Munisípiu Baucau no Maliana.

“Jogu segunda volta Liga Futeból Amadora, ita sei realiza hotu iha Munisípiu Baucau no Maliana. Entaun, klube ualu ne’e kada sábadu no domingu tenke dezloka hotu ona ba munisípiu no Dili ita sei laiha jogu,” tenik Adolmado liuhosi konferénsia imprensa ne’ebé hala’o iha salaun Xanana Sport Center, Bairro Formosa, tersa ne’e.

Oráriu jogu segunda volta. Imajen: Hortençio Sanchez

Nia hatutan, maski jogu ne’e hala’o iha munisípiu, maibé iha difikuldade ruma kona-ba infraestrutura ne’ebé la konsege hala’o iha munisipiu entaun tenke hala’o iha Dili.

“Ami husu ba públiku, klube no adeptu atu apár didi’ak ho atividade Liga Futeból Amadora nian. Semana ida ne’e nia laran, dezlokasaun hala’o ona,” dehan Adolmado.

Kona-ba kalendáriu ne’ebé LFA fó sai, bazeia ba desizaun ne’ebé LFA no klube sira foin lalais ne’e desidi hamutuk.

Dezlokasaun klube sira ba munisípiu sei simu osan viajen no hela fatin iha ne’ebé kada klube sei simu $1.500.

Jornalista: Hortençio Sanchez

Editór: Xisto Freitas

1 KOMENTÁRIU

  1. Favor hare didiak ita boot sira nia horario…jornada balun joga iha fatin ida ho horas no data nebe hanesan deit…ex..jornada..

HAKEREK NO HATÁN

Please enter your comment!
Please enter your name here