Fórum Rejionál ASEAN ba dala 26. Foto: MNEK

DILI, 04 jullu 2019 (TATOLI)-Ministru Negósiu Estranjeiru no Kooperasaun (MNEK), Dionísio Babo Soares, ho delegasaun partisipa iha Fórum Rejionál ASEAN (Organizasaun Sudeste Aziátiku) ba dala 26. Ida ne´e ajenda ikus husi vizita traballu iha Bankok, Tailándia. Iha biban ida ne´e, Ministru hato’o intervensaun kona-ba situasaun polítika no seguransa atuál Timor-Leste (TL) nian.

Notísia Relevante:  Timor-Leste Partisipa Dialógu Sudoeste Pasífiku

Ministru Negósiu Estranjeiru no Kooperasaun, Dionísio Babo Soares hato´o intervensaun. Foto: MNEK

Fórum Rejionál ASEAN ne´e estabelesidu iha tinan 1994, nu´udar fórum importante ida atu diskute kona-ba asuntu seguransa iha Indo-Pasífiku. Membru sira hasoru malu diskute asuntu seguransa atuál no dezenvolve meius kooperativa hodi hametin paz no seguransa in rejiaun ne´e.

Membru ba fórum né hamutuk 27 kompostu husi nasaun membrus ASEAN 10 (Brunei, Kambodia, Indonézia, Laos, Malázia, Myanmar, Filipina, Singapura, Tailándia no Vietnam), Nasaun Parseirus Dialógu ASEAN hamutuk 10 (Austrália, Canada, Xina, Uniaun Europea, Índia, Japaun, Nova Zelándia, Repúblika Korea, Rúsia no Estadu Unidu Amérika); Bangladez, Mongolia, Pakistaun, Sri Lanka, Timor-Leste no Papua Nova Guiné.

Iha tinan 2005, Timor-Leste formalmente sai membru ba fórum ne´e no partisipa ativamente iha enkontru ne´ebé organiza husi fórum ne´e.

Jornalista : Rafy Belo

Editór         : Francisco Simões

HAKEREK NO HATÁN

Please enter your comment!
Please enter your name here