Diretora Timor Post, Santina de Araújo. Foto/António Gonçalves.

DILI, 31 jullu 2019 (TATOLI)- Diretora Ezekutiva Diáriu Timor Post, Santina de Araújo, hatete atu lori Ajénsia Tatoli,IP koñesidu iha mundu presiza ema hotu nia apoiu liuliu instituisaun Estadu sira.

“Ajénsia Tatoli ne’e atu koñesidu iha mundu hanesan ajénsia sira seluk, ema hotu liuliu Governu tenke apoia hodi sai meiu komunikasaun ofisiál”, katak fundadora Diáriu Timor Post ne’e, iha Timor Plaza, ohin.

Ho esperansa nia dehan, liuhusi selebrasaun tinan tolu no transformasaun ba Tatoli,IP atu sai meiu komunikasaun sosiál ne’ebé fó informasaun ka notisia iha rai-laran ba mundu.

“Ha’u iha esperansa atu Tatoli,IP  sai órgaun komunikasaun ofisiál Estadu nian hodi informasaun hotu-hotu ne’ebé públika sai referénsia ba povu iha rai-laran no estranjeiru”, katak.

Tanba ne’e Diretora Timor Post ne’e husu ba membru Governu sira atu fó apoiu maka’as. “Ita triste ohin iha selebrasaun ne’e membru Governu mínimu tebes”.

Membru Governu ne’ebé ohin marka prezensa iha selebrasaun Tatoli mak Sekretáriu Estadu Juventude no Desportu, Nélio Isaac Sarmento no Sekretáriu Estadu Komunikasaun Sosiál, Merício Juvinal dos Reis “Akara” ne’ebé mak lansa TATOLI embriaun ba TATOLI,IP (Institutu Públiku).

Jornalista: Florencio Miranda Ximenes

Editora : Maria Auxiliadora

HAKEREK NO HATÁN

Please enter your comment!
Please enter your name here