Diretór Ezekutivu SERVE,IP, Florêncio Sanches. Imajen/Egas Cristovão

DILI, 31 jullu 2019 (TATOLI)-Diretor Ezekutivu SERVE, Institutu Públiku (IP), Florêncio Sanches, sente orgullu tebes tanba estadu investe ona ba estabelese ajénsia notisioza Timor-Leste nian rasik (ANTIL ba TATOLI), ne’ebé durante tinan tolu (3) ninia ezisténsia prodús produtu jornalistiku  ne’ebé bele fó referénsia ba povu no sai hanesan lalenok ba povu atu haree ba nasaun nia dezenvolvimentu no estadu nia servisu.

“Ha’u orgullu tebes ho notísia hosi Ajénsia TATOLI nian tanba ha’u kuandu ba servisu molok halo atividade iha servisu fatin, uluk liu, ha’u tenke lee notísia TATOLI nian,” hateten Diretor Ezekutivu SERVE,IP, Florêncio Sanches, ohin,  ba Ajénsia TATOLI, iha Timor Plaza, Dili.

Iha tinan tolu ba kotuk, Diretor  Florência Sanches, dehan, nia rasik partisipa  lansamentu iha Hotel Novo Turizmu, entaun nia husu ba Ajénsia TATOLI atu aumenta nia kapasidade no rekursu umanu hodi oinsá bele kobre notísia sira rai laran no hatutan Fila fali ba komunidade iha área rurais atu nune’e sira bele asesu dezenvolvimentu rai laran nian.

“Importante notísia ne’e tenke iha objetividade no balansu. Ha’u akompaña notísia Ajénsia TATOLI nian hanesan lalenok tanba bele lori povu no lori ami haree ba dezenvolvimentu no haree ba ami nia servisu loroloron nian,” tenik Florêncio Sanches.

Jornalista   : Osória A. Marques

Editór         : Francisco Simões

HAKEREK NO HATÁN

Please enter your comment!
Please enter your name here