DILI, 30 jullu 2019 (TATOLI)—Na’in ba Programa ba Brand Gomes Asia iha Indosiar liuhusi Koordenadór Dangdut Academy Asia-5 (DAA-5) no Golden Memories Asia 2019, ohin, ofsialmente anunsia rezultadu avaliasaun juri no naran sira ne’ebé eleitu hodi reprezenta Timor-Leste iha kompetisaun “Golden Memories Asia 2019” iha Jakarta-Indonézia.

“Hanesan na’in ba programa ba brand Gomes Asia, no fó atensaun ba sujestaun husi juri ne’ebé halo avaliasaun ba audisaun, maka tuir mai ne’e desizaun naran sira husi kontestante Gomes Asia ne’ebé reprezenta Timor-Leste mak hanesan; Antonio Tonny Pereira, Cidalia Gonçalves Borges, Francisco Guterres (Chico Ramelau) no Jaime Mau Fatin (Abitu Gama),” dehan Koordenadór  Dangdut Academy Asia-5 (DAA-5) no Golden Memories Asia TL, Jerente ETO+, Edmundo Freitas Lopes, ba Ajénsia TATOLI lihusi entrevista iha nia knaar fatin, Bairo Pite, Hudi Laran, Aimutin, Dili, tersa (30/7/2019).

Kontestante Gomes Asia ne’ebé eleitu, nia hatutan, sira hirak ne’e tenke iha ona Jakarta-Indonézia iha Domingo (25 Agsostu 2019) atu tuir atividade lubun no tuir treinamentu. Programa LIVE ON Golden Memories Asia 2019, tuir planu,  sei hahú no ramata iha 1 Setembru-17 Outubru 2019.

Faze audisaun ba Golden Memories Asia 2019 iha Timor-Leste hala’o iha 18 Jullu 2019 iha studio ETO+ TV. Iha audisaun ne’e juri husi Indosiar, Ekin Gabriel Surbakty no Linda Wibisono inklui camera person, Nia Satifahandayani, mak halo avaliasaun direta ba konkorente sira.

Entretantu, nia informa, rezultadu ba avaliasaun Dangdut Academy Asia-5 (DAA-5) sei anunsia iha fulan Agostu nia laran ka fulan Agostu nia rohan. Nia dehan, husi konkorente na’in haat ne’ebé eleitu hodi reprezenta Timor-Leste ba kompteisaun Golden Memories Asia 2019 iha Indonézia ne’e, iha konkorente husi artista seniór TL no ema sira ne’ebé iha hoby kanta hamutuk ema 20 resin mak tuir audisaun refere.

“Parabéns ba konkorente na’in haat ne’ebé eleitu, Tony Pereira, Cidalia Goncalves, Abito Gama no Shico Ramelau. Hein katak, imi-na’in haat bele hamorin Timor-Leste nia naran iha kompetisaun Golden Memories Asia 2019. Parabens!”.

Jornalista: Cancio Ximenes

Editór     : Rafy Belo

4 KOMENTÁRIU

  1. sebenarx ..Vidigal pintu .yg bisa menbawa lagu2 golden memory tahun 80-90. An…kalo chico ramelao saya tdk yakin sekali kalo dia mau lolos ke tahap berikutx…kalo maun Tonny pereira…abitu gama…cidalia..mereka tiga itu saya yakin mereka 3 bisa lolos..sebenarnya itu..mereka berenpat sama VIDIGAL PINTU… terima kasih

  2. saya kagum kepada mereka berempat yang tela h di pilih oleh indosiar untuk partispasi dalam memori goal di jakarta dari timor-leste diantara peserta yang ikut mengambil dalam event tersebut diantaranya:
    1. Tony Pereira
    2. Cidalia
    3. Abito Gama
    Cigo Ramelau

HAKEREK NO HATÁN

Please enter your comment!
Please enter your name here