Diretór Ezekutivu Klínika Bairru Pité, Daniel Murphy. Imajen Jogerjo Guterres

DILI, 29 jullu 2019 (TATOLI)—Diretór Klínika Bairru Pité, Doutór Daniel Murphy, katak ninia parte hahú taka sala baixa no maternidade iha loron 1 fulan-agustu 2019, tanba orsamentu la sufisiente ona.

“Klínika Bairru Pité sei taka tanba orsamentu laiha, tempu besik ami sei taka uluk sala baixa nian no sala maternidade, bele konsulta maibé labele partus no labele baixa ona iha ne’e hahú loron 1 fulan-agustu, tanba orsamentu laiha, se la hetan orsamentu nafatin, ba oin sei taka hotu”, dehan Diretór Klínika Bairru Pité, Daniel Murphy, ba Tatoli iha nia knaar fatin, Bairru Pité, segunda (29/7/2019).

Nia hatutan, klínika refere presiza orsamentu $50.000 kada fulan maibé Kompañia Rudal fó ajuda orsamentu $10.000 mós uza la to’o fulan ida osan ne’e utiliza hotu ona.

“Ami triste ema la hatudu interese atu ajuda inklui Governu atu fó ajuda maibé sira dehan sei buka hela mekanizmu to’o ohin loron la hetan tulun ruma”, katak tan.

Entretantu, nia informa, moras ne’ebé rejistu aas liu iha Klínika Bairru Pité mak moras TBC (tuberculosa) mak rejistu loro-loron inklui moras VIH/SIDA (Vírus Imunodefisiéncia Humana / Sindrome  Inmunodefisiénsia Adkirida)  no mós labarik má nutrisaun ne’ebé pursentu aas liu.

“Pobreza Timor dezenvolvidu. Jestaun la duun di’ak. Maibé, hetan orsamentu husi mina seidauk desentraliza ba ema-nia saúde. Atu prevene moras hirak ne’e, tenke han di’ak, deskansa barak, uma tenke di’ak, toba fatin tenke ser ema ida no moras karik ba konsulta iha klínika ne’ebé besik”, Daniel esplika.

Notísia relevante:

Fulan Lima Ona Funsionáriu Klínika Bairru Pité La Simu Saláriu

Klínika Bairo Pite Ameasadu Atu Taka

Klínika Bairru-Pité Enfrenta Krize Finanseira

Jornalista: Felicidade Ximenes

Editór     : Rafy Belo

2 KOMENTÁRIU

  1. Governo tenki taun matan ba klinika refere tamba salva ema barak ona. se fulan ida mak sira persija dt 50mill, nusa mak governo labele ajuda. Triste tebes tenki taka fatin ida ne’ebe atu salva povu kiik sira nia vida hosi moras ne’be sira iha.

HAKEREK NO HATÁN

Please enter your comment!
Please enter your name here