iklan

NASIONÁL

MSSI Apoia $1,388.711.00 Ba Instituisaun Solidariedade Sosiál  35

MSSI Apoia $1,388.711.00 Ba Instituisaun Solidariedade Sosiál  35

Diretora Movimento Feto Foinsae Timor-Leste, Yasinta Lujina asina Akordu Koperasaun Servisu ho Ministeriu Solidaridade Sosiál no Inkluzaun (MSSI) ba programa "Suporta Lideransa Ekonomia Inan Benefisiariu Bolsa da Mãe" ne'ebé sei implementa iha Munisipiu Covalima, Bobonaro ho RAEOA. Imajen/Movimento Feto Foinsae

DILI, 25 jullu 2019 (TATOLI)- Ministériu Solidariedade Sosiál no Inkluzaun (MSSI), liuhosi  fundu subvensaun públiku hamutuk $1,388.711.00 apoia instituisaun solidariedade sosiál 35  ne’ebé durante ne’e presta servisu  ba protesaun sosiál.

MSSI liuhosi fundu subvensaun públiku hamutuk $1,388.711.00 apoia instituisaun solidariedade sosiál 35 , Kinta (25/7/2019). Imajen/Movimento Feto Foinsae

Instituisaun solidariedade sosiál ne’ebé hetan apoiu mak hanesan,  uma mahon, sentru komunitária, orfanatu no próteze labarik  feto ho mane sira hosi abuzu sexual, area ema ho defisiénsia no seluk tan.

“Ohin ne’e hanesan serimónia MSSI asina akordu ho instituisaun solidariedade  sosiál (ISS) atu apoiu fundu ba sira hodi hala’o sira nia atividade ba servisu sosiál,” informa Ministra Solidariedade Sosiál no Inkluzaun (MSSI), Armanda Berta, iha ámbitu asina akordu ISS sira ne’e, ohin,  iha salaun MSSI, Caicoli, Dili.

Ministra Armanda Berta husu ba instituisaun solidariedade sosiál sira ne’ebé hetan fundu hosi governu atu jere halo didi’ak tuir planu no programa ne’ebé iha hodi presta servisu protesaun  sosiál  ba komunidade sira.

“ida ne’e mós hola parte ba programa governu nian ba apoiu sosiál tanba ne’e husu imi atu hatutan no jere ho didi’ak,” afirma Armanda Berta.

Fatin hanesan responsavel Orfanatu Pantai Kelapa Dili, Madre Alma agradese ba governu nia apoiu fó fundu ne’ebé iha bele apoiu no tulun  liu tan sira nia servisu.

Jornalista          : Nelson de Sousa

Editór                : Francisco Simões

iklan
iklan

Leave a Reply

iklan
error: Content is protected !!