Nutrisaun. Ilustrasaun

 DILI 25 jullu 2019 (TATOLI)-Nutrisionista Hospital Nasional Guido Valadares (HNGV), Genilda Maria Assis hateten, hahan ne’ebé di´ak ba labarik sira atu han mak labarik sira idade fulan 6 to’o iha tinan rua. Sira presiza hahan  ne’ebé saudável husi inan.

“Papel importante ba inan mak haree hahan ne’ebé saudável no tenke han hahan ne’ebé ho variasaun hanesan karboidratu, proteina, gordura  ho minerál atu nune’e labarik sira ne’e  hetan nutrisaun di´ak,” sujere Nutrisionista, Genilda Maria Assis, iha nia kna´ar fatin HNGV, kinta (25/07/2019).

“Se labarik sira ne’ebé la han sufisiente, nia impaktu  dezenvolvinentu la ativu tanba ne’e hahan importante tebes bainhira labarik sei iha idade zero meses (fulan) no liu ida ne’e,” nia esplika.

Nutrisionista ne´e haklaken,  hahan hotu iha nutrisaun maibé tenke han ho variedade; ai-han  tenke iha karboidratu, proteina, gordura no mirerais sira seluk.

“Manutrisaun mosu tanba fatór barak tebes balun iha fatór ekonomia no balun iha moras infesaun ruma mak halo labarik lakohi han, no dalaruma labarik isin tun entaun ida ne’e má nutrisaun,” nia afirma.

Nutrisionista  HNGV, Genilda Maria Assis akonsella mós katak labarik labele kolen atu han hahan, entaun inan aman tenke iha esforsu te´in hahan di´ak, ne’ebé iha nutrisaun hodi nune’e labarik gosta han tanba hahan  iha variedade ho proteina ne’ebé di´ak.

“Hahan hotu hotu iha nutrisaun la kompletu, entaun han hahan variedade para nutrisaun bele kompletu no fase liman antes prepara hahan, fó han labarik  uza bee ne’ebe moos, haketak hahan matak ho hahan tasak no han tuir nia temperatura atu nune’e labarik sira bele iha saúde diak,” nia sujere.

Notísia relevante: http://www.moh.gov.tl/?q=node/105

Jornalista: Felicidade Ximenes

Editór      : Rafy Belo

HAKEREK NO HATÁN

Please enter your comment!
Please enter your name here