Suapeitu na'in 11 ba kazu omesídiu Leorema tuir audénsia julgamentu iha TDD, Kinta (25/07/2019). Imajen/Domingos Piedade Freitas

DILI, 25 jullu 2019 (TATOLI) –Ministériu Públiku (MP) husu ba tribunal atu aplika prizaun preventiva ba suspeitu na’in 11 ne’ebé komete kazu omisídiu hodi oho vítima na’in rua iha Leorema, Postu Administrativu Bazartete, Munisípiu Liquiça.

Liuhosi audiénsia primeiru interrogatóriu iha  Tribunal Distritál Dili (TDD), ohin, Prokuradór Jacinto Babo, reprezenta MP husu ba TDD atu aplika pena privasaun preventiva suspeitu sira ho inisiál DAV, JC, TS, AP, MLM, AS, LC, CM, JC, EL ho DC.

Notísia Relevante :Kazu Leorema, TDD Hala’o Primeira Interrogatóriu Ba Suspeitu Nain 11

“Ba kazu nee, aban lokraik tuku 03:00 Otl, mak Tribunal foti desizaun loloos, maibé ba MP husu ba Tribunal aplika prizaun preventiva, mas ba defeza  ne’ebé fó asisténsia legal ba suspeitu sira lakohi komenta no aban mak rona de’it rezultadu hosi Tribunal”, hateten Prokuradór Jacinto Babo.

Jacinto Babo hateten, ba MP envolvimentu hosi suspeitu na’in 11 iha indísiu forte liu hosi deklarasaun sasin sira katak sira mak komete duni, maibé suspeitu sira nega total faktu no provas sira hotu mak MP husu Tribunal aplika prizaun preventiva.

MP hanesan na’in ba asaun Penal, promove suspeitu na’in 11 akuzadu krime omisídiu agravadu ne’ebé previstu iha kódigu penal 139 no krime arma branka.

Audiénsia nee prezide hosi juis, Maria Modesta, Ministériu Públiku reprezenta Prokuradór Jacinto Babo, suspeitu sira hetan asisténsia legal hosi advogadu Rui Antonio Mendonça ho Arnaldo da Conceição Lopes.

Notísia Relevante :Konfrontu Leorema Kontinua, Sunu Tan Uma 13 ho Motór Hitu

Jornalista          : Domingos Piedade Freitas

Editór                : Francisco Simões

HAKEREK NO HATÁN

Please enter your comment!
Please enter your name here