Suspeitu sira ne'ebé envolve iha kazu omésidiu Leorema tuir primeira interrogatóriu iha TDD, Kuarta (24/07/2019). Imajen/Domingos Piedade Freitas

DILI, 24 jullu 2019 (TATOLI) – Tribunal Distritál Dili (TDD), ohin, hala’o primeira interrogatóriu ba suspeitu na’in 11 ne’ebé komete krime omisídiu iha Aldeia Urema, Suku Leorema, Postu Administrativu Bazartete, Munisípiu Liquiça.

Notísia Relevante : Konfrontu iha Baura, Joven Nain Rua Mate, Tolu Kanek no Uma Neen Hetan Sunu

Suspeitu hirak ne’e  ho inisiál DAV, JC, TS, AP, MLM, AS, LC, CM, JC, EL no DC.  Tuir Prokuradór Jacinto Babo, katak ba kazu ne’ebé mak akontese iha Leorema seidauk iha desizaun final ba suspeitu na’in 11 tanba Tribunal seidauk rona hotu deklarasaun suspeitu na’in lima (5) seluk.

“Ba kazu nee, sei kontinua fila fali ba kinta aban, lokraik 02.00 Otl hodi rona suspeitu sira seluk, antes Tribunal aplika desizaun prizaun preventiva ka Termu Identidade Rezidénsia,” informa Prokuradór Jacinto Babo.

Audiénsia primeiru interrogatóriu nee prezide hosi juis, Maria Modesta, Ministériu Públiku reprezenta Prokuradór Jacinto Babo, arguido sira hetan asisténsia legal hosi advogadu Rui Antonio Mendonça ho Arnaldo da Conceição Lopes.

Notisia Relevante : Kazu Leorema, PNTL Kaptura Ona Suspeitu 12

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here