Adjuntu Autoridade Munisípiu Dili, Jose F. X. Smith. Imajen/Ozoria A. Marques

DILI, 24 jullu 2019 (TATOLI)-Administradór Interinu ba Postu Administrativu Dom Aleixo, Jose F. X. Smith, informa, substituisaun ba kargu administradór foun depende ba desizaun governu liuhosi Ministériu Administrasaun Estatál.

José Smith hato’o asuntu ne’e relasiona ho rezultadu verifikasaun  ba proposta lista naran hosi Administrasaun Dom Aleixo la prienxe rekizitu atu asume kargu Administradór Postu Dom Aleixo, Munisípiu Dili.

 “Ami hein desizaun husi MAE aprova, bainhira mak Komisaun Funsaun Públika (CFP-sigla portugés) foti desizaun ba kandidatu ne’ebé mak definitivu hodi bele assume kargu hanesan Administradór ba Postu Dom Aleixo nian,” informa José Smith ba Ajénsia TATOLI, ohin, iha nia servisu fatin, Administrasaun Dom Aleixo, Dili.

José Smith esplika, ninia substituisaun ne’e hodi garante funsionamentu servisu administrasaun no atende komunidade hodi asina dokumentu bazeia ba inskrisaun servisu hanesan administradór.

Nia parte laiha proposta naran foun  hodi hein de’it desizaun hosi Ministériu Administrasaun Estatál no Komisaun Funsaun Públika.

Notísia Relevante : Kandidatu Administradór Dom Aleixo Seidauk Prienxe Rekizitu

José Smith Asume Kargu Provizóriu Administradór Postu Dom Aleixo

Jornalista : Osória A.Marques

Editór                 : Francisco Simões

HAKEREK NO HATÁN

Please enter your comment!
Please enter your name here