Polisia Nasional Servisu Investigasaun Kriminál (PNSIK) kaptura tan suspeitu na’in lima ba kazu omesidiu ne’ebé akontese iha Suku Leorema. Imajen/Espesiál

DILI, 23 jullu 2019 (TATOLI)- Polisia Nasionál Servisu Investigasaun Kriminál (PNSIK), tersa lokraik (23/07/2019), kaptura tan suspeitu na’in lima ba kazu omisídiu ne’ebé akontese iha Aldeia Urema, Suku Leorema, Postu Administrativu Bazartete, Munisípiu Liquiça, iha loron 04 jullu 2019.

Suspeitu na’in lima ho inisiál JC, LC, EL, DC, no CM,  ekipa PSIK kaptura iha Suku Tibar, Postu Administrativu Bazartete, Munisípiu Liquiça.

 Komandante Polisia Munisípiu Liquiça Superintendente Asistente, Luis da Silva,  informa, antes ne’e, PNTL kaptura ona suspeitu na’in 13, no arguido SP ne’ebé maka rekoñese halo krime omisídiu ba vítima na’in rua tama ona prizaun preventiva iha Becora.

“Suspeitu prinsipál hotu, tanba envolve hamutuk ho arguido SP ne’ebé rekoñese halo krime omisídiu ba vítima sira,” hateten Komandante Luis.

Suspeitu na’in lima ne’e PNSIK lori kedas mai Dili hodi halo kedas investigasaun no agora submete ona ba prosesu detensaun oras 72 iha sela PNTL, Caikoli, Dili, hodi hein aprezenta primeiru interrogatóriu ba Tribunál Distritál Dili.

Notísia Relevante : Konfrontu iha Baura, Joven Nain Rua Mate, Tolu Kanek no Uma Neen Hetan Sunu

Konfrontu Leorema Kontinua, Sunu Tan Uma 13 ho Motór Hitu

Jornalista : Eugénio Pereira  

Editór       : Francisco Simões

HAKEREK NO HATÁN

Please enter your comment!
Please enter your name here