ONGV. Imajen espesiál

DILI, 23 jullu 2019 ( TATOLI )-Moras ne’ebé mak númeru aas iha Hospital Nasionál Guido Valadares (HNGV) iha fulan juñu no rejistu  iha  Banku Urjénsia mak moras Sirurgia ho moras Infesaun Vias Respiratória ka ISPA (Infeksi  Saluran Napas Akut).

“Dadus mensál ba pasiente ne’ebé mak konsulta iha OPD (Out Patient Departement), fulan juñu, iha Hospital Nasionál Guido Valadares mak moras sirurjia 604, ISPA 650,” relata Xefe Gabinete Kontrolu Kualidade HNGV, Sara Maria Xavier ba Ajénsia TATOLI iha nia kna´ar fatin, HNGV, tersa (23/07/2019)

“Perinatoloia 51, pediatria 174, Hepatites 3, Neorolojia 174, Nefrolojia 29, Gasteorolojia19, Kardiolojia 360, Pulmolojia 286, Dermatolojia 298, Urulojia 418, Ortopedia 145, Maxillo facial 30, Otorino Laringolojia 205, Estomotolojia 59, cek up otorino L 197, Psikiatra 129, piskolojia 64,  ECG 94,  ECHO/Tred Mild 4,  ankolojia 16, diabetes 161, sala infusaun 72, Endokrin 102. Totál moras hamutuk 4550,” hatutan tan  xefe ne´e.

Xefe Gabinete Kontrolu Kualidade, Sara Maria Xavier relata tan katak pasiente ne’ebé mak baixa iha maternidade iha fulan juñu hamutuk 537,  baixa iha medisina interna hamutuk 272 no mós baixa iha sala sirúrjika hamutuk 129,  iha pediátria hamutuk 8. “ Totál pasiente ne’ebé alta no baixa tuir observasaun Banku urjénsia  hamutuk 1331, no pasiente ne’ebé mak alta husi Banku urjénsia hamutuk 3106 pasiente,” informa  Xefe Gabinete HNGV.

Nia informa tan, iha sala maternidade, bebé moris iha fulan juñu ne’e hamutuk 453; kompostu husi bebé mane 214 no bebé feto 239, no mós total pasiente ne’ebé mak durante mate iha fulan juñu hamtuk 139 pasiente.

Iha konsulta ambulatóriu kazu ne’ebé rejista barak liu mak moras medisina interna, hanesan moras infeksaun vias respiratóriu hamutuk 650 pesoas.

“Moras ne’ebé mak presiza halo prevensaun mak moras medisina  interna hanesan infeksaun vias respiratória,  entaun ita bele hadi´a ita-nia saúde  hanesan nutrisaun,  deskansa barak, hamoos ita-nia ambiente, tanba ambiente ne’e presiza prevene,” nia esklarese.

Entretantu, iha fatin hanesan, Xefe Gabinete Kontrolu Kualidade HNGV, Sara Maria Xavier, iha fulan juñu nia laran asidente motor hamutuk 125, ne´ebé kompostu husi mane na´in 82 no feto 43. Enkuantu, asidente kareta hamutuk 56; mane ema na´in 28 no feto 28.

Jornalista: Felicidade Ximenes

Editór      : Rafy Belo

HAKEREK NO HATÁN

Please enter your comment!
Please enter your name here