Xefi Negosiador Fronteira Maritima no Terestre, Xanana Gusmao. Imajen/Antonio Goncalves.

DILI, 23 jullu 2019 (TATOLI)-Eis Prezidente Repúblika Indonézia, Bacharuddin Jusuf Habibie, kontente tebes bainhira rona Governu Timor-Leste sei tau nia naran ba Ponte foun Bidau Santa-Ana, iha ne’ebé lokaliza iha kapitál Dili.

“Nia kontente no emosionadu tebes”, haktuir haktuir Kay Rala Xanana Gusmão iha Parlamentu Nasionál, ohin.

Entretantu, nia mós triste tanba labele marka prezensa iha selebrasaun tinan 20 konsulta populár iha 30 agostu 2019 iha Timór-Leste, tanba moras.

Sentimentu triste ne’e, Habibie tatoli liuhosi Xefe Negosiadór Prinsipál, Kayrala Xanana Gusmão, hafoin hato’o pedidu povu Timor-Leste nian ba Habibie iha ospitál Jakarta, Indonézia, foin lalais.

“Ha’u bá vizita Habibie ne’ebé moras hela, ha’u bá vizita hodi fó hatene mós katak ita konvida nia mak atu mai iha aniversáriu 20 loron konsulta populár, más nia dehan ha’u moras hela, tama ospitál ne’ebé ha’u sente hanesan la konsege bá. Nia triste tanba nia hakarak tebes atu partisipa”, Xanana relata.

Notísia relevante : Habibie Hato’o Apresiasaun Boot ba Povu Timor

Jornalista: Antónia Gusmão

Editora : Maria Auxiliadora

HAKEREK NO HATÁN

Please enter your comment!
Please enter your name here