Treinadór foun Selesaun Nasionál U-23, Fabiano José Flora, kaer liman ho Prezidente FFTL, Francisco Gerónimo hafoin assina kontratu ne'ebé akompaña hosi estrutura FFTL balun. Imajen Tatoli/Hortençio Sanchez

DILI, 22 jullu 2019 (TATOLI) – Advogadu Privadu husi Indonézia ne’ebé fó asistensia legál ba kazál Timoroan lori droga, Jeremias LM. Haekase, informa katak, provas ba proteje nia kliente na’in rua; JSP ho AS iha ona porsentu 95 hodi hein prosesu julgamentu iha Tribunal Negeri Kelas IB, Atambua, Indonézia.

“Ha’u hakarak agradese ba Maromak tanba too iha momentu ida nee, iha tiha ona  provas ba proteje sira na’in rua porsentu 95%,” informa  Jeremias LM. Haekase, ba Ajénsia TATOLI via komunikasaun rede sosiál  WhatsApp.

Maske iha ona provas atu segura proteje kazál timoroan lori droga ne’e, maibé Jeremias LM.Haekase, la informa detallu provas oinsá tanba buat hothotu seidauk lori ba iha Tribunál hodi halo primeiru interrogatóriu.

“Kuandu too ona iha julgamentu mak sei fakar sai buat hirak nee hodi dehan katak ninia kliente na’in rua ho inisiál JSP ho AS merese hetan pena  mínima tinan 4 ou too  tinan 20,” hateten Jeremias LM. Haekase.

Jeremias hatutan, oras nee nia kliente JSP ho AS detein hela iha POLRES Belu,  Indonézia, maibé hanesan defeza sei akompaña hotu prosesu sira tuir lei Indonézia, katak kuandu liu ona loron 100 mak husi parte investigasaun inklui mós Ministériu Públiku hamutuk ho polisia investigasaun seidauk finaliza prosesu refere mak ninia kliente na’in rua provizoriamente sei sai husi prizaun preventiva hodi hein prosesu kontinuasaun.

Autoridade Indonézia prende kazál timoroan ne’e iha loron 19 maiu 2019  iha fronteira Mota-ain, Belu, Timor Osidentál (NTT-sigla Indonézia) to’o ohin loron kompleta fulan rua  ona   (19 maiu-19 jullu 2019), maibé seidauk iha rezultadu atu prosesa ba Tribunál.

“Informasaun ne’ebé ha’u iha katak, iha loron 11 jullu 2019, parte Ministériu Públiku fó fila fali kazu nee ba iha Polisia investigasaun Indonézia tanba konsidera katak seidauk kompletu,” informa Jeremias.

Nia hatutan, ba ninia kliente na’in rua ninia paradeiru iha prizaun preventiva sei hela tan loron 30. Katak,  liu ona loron 30 mak laiha rezultadu, nia parte sei halo defeza hodi hasai sira na’in rua husi prizaun preventiva tanba lei mak permite.

Nia mós agradese tebes ba kontribuisaun entidade timoroan hotu nian, liu-liu Estadu liuhusi Embaixada Timor-Leste iha Indonézia ne’ebé kontinua halo esforsu diplomátiku atu asegura kazál timoroan nia direitu.

Notísia Relevante : Kazu Kazál Timoroan Lori Droga, Advogadu Husi Indonézia Halo Levantamentu Dadus iha TL 

Embaixadór Alberto Carlos Vizita Kazál Timoroan iha POLRES Belu

Jornalista          : Domingos Piedade Freitas

Editór                : Francisco Simões

HAKEREK NO HATÁN

Please enter your comment!
Please enter your name here