Eis Prezidente Repúblika Indonézia, B.J. Habibie. Imajen foti husi google

DILI, 22 jullu 2019 (TATOLI)—Eis Prezidente Repúblika Indonézia, Bacharuddin Jusuf Habibie, hato’o apresiasaun boot ba povu Timor-Leste ne’ebé kontinua konsidera nia to’o tau nia naran ba ponte foun Bidau Santa-Ana ho naran Ponte Habibie.

Liuhosi gravasaun vídeo ne’ebé fasilita hosi Embaixadór Timor-Leste iha Indonézia, Alberto X.P. Carlos, ba Agência TATOLI liu hosi rede sosiál (whatsapp), ohin, Xanana hateten, eis Prezidente Repúblika B.J. Habibie, foin tama ospitál, iha semana rua liu-ba tanba kolen no idade.

Líder karismátiku Timor-Leste, Kay Rala Xanana Gusmão, eis Vise Prezidente Repúblika Indonézia, Try Sutrisno (tuir Xanana), eis Prezidente Repúblika Indonézia B.J. Habibie (klaran) ho eis Prezidente Repúblika Indonézia, Susilo Bambang Yudhoyono, bainhira sai oradór Supermentor-6: Leaders, iha Jakarta, 17 maiu 2015. Imajen: Antara/Yudhi Mahatma

“Ohin, ha’u ba vizita B.J. Habibie iha ospitál,  nia moras hela. Nia  agradese tebe-tebes ita konvida nia. Nia dehan katak dalaruma bele difísil uituan atu ba partisipa ita-nia serimónia loron konsulta populár ba dala-20 (30 Agustu 1999-30 Agustu 2019),” haktuir Xanana.

Ho kondisaun moras, Habibie dahan ba Xanana katak nia hakarak tebes vizita Timor-Leste, liliu partisipa iha festa loron Konsulta Populár iha 30 Agustu ne’e, maibé Xanana dehan, povu Timor kompriende tebe-tebes Habibie nia saúde. Importante mak, Xanana hateten, Habibie hatene ona povu Timor-Leste konsidera tebes Habibie.

“Ha’u fó hatene  ba nia (Habibie-red) katak, tanba ita atu hala’o selebrasaun ba tinan 20 loron   Konsulta Populár, ita hateke ba kotuk, ita tenke rekoñese katak Habibie nia papél  iha momentu  ne’ebá krusiál tebe-tebes. Ita hotu bele kompriende  Indonézia foin mak atu tama iha demokrasia, Habibie kaer ukun  iha momentu difísil tebe-tebes ba Indonézia rasik. Tanba ida ne’e,  ohin ha’u fó hatene ba nia katak  ho apresiasaun boot  tebe-tebes hosi povu Timor-Leste ba nia  kona-ba nia korajen no kona-ba nia desizaun polítika ida ne’ebé  halo iha Indonézia nia laran, setór sira seluk ne’ebé ladún konkorda, nia bele  hasai desizaun  importante ida kona-ba opsaun referendu,” Xanana haktuir.

“Ha’u dehan ba nia katak  ha’u fó hatene ona ba instituisaun estadu nian atu konsidera.  Ita halo hela ponte ida iha Bidau Santa-Ana ne’ebá atu tau nia naran  Ponte Habibie,” Prezidente Komisaun Organizadora Komemorasaun Tinan 20 Referendu ne’e salienta.

Rona tiha lia hirak ne’e, Habibie hateke ho matan-been ba Xanana no ho ibun nakdedar uituan  lia tún dehan, nia naran ne’e hosi liafuan Arábia ho nia signifikadu katak, give love,  receive love (fó domin no simu domin).

“Nia tanis…, nia tanis…, nia tanis…, no ha’u haree nia oin tanis triste katak nia labele ba Timor,” Xanana haklaken.

Bainhira Xanana rona tiha signifikadu hosi naran Habibie ne’e, Xanana lia tún ba Habibie dehan, “Tebes. Ita nia naran Habibie, katak give love, receive love. Ida ne’e duni, ita-boot iha momentu konkretu, iha situasaun  difísil Indonézia nian, ita-boot hatudu ita-boot nia love (domin) ba povu Timor. Agora, povu Timor iha momentu ida ne’ebé  kontente hodi selebra festa Konsulta Populár la haluha ita-nia domin. Povu Timor fó fali sira-nia domin ba ita-boot”.

Rona lia hirak Xanana nian ne’ebé hodi povu nia naran ne’e, Habibie hato’o agradese tebe-tebes no kontente tebe-tebes.

Jornalista: Francisco Simões  

Editór: Xisto Freitas

Notísia Relevante : Xanana Vizita B.J. Habibie iha Ospitál Militár Jakarta

5 KOMENTÁRIU

  1. Parabes ba Avo Xanana no Avo Habibie neebe luta makas ba Rai Doben Ida Timor Leste sira nia aspitasaun ba jerasaun foun enkoraza ita atu hakmatek ba Jerasaun sira tomak tenke hakribi violensia, krime, no mai ita lao tuir ita nia Nai Ulun sira nia heroi tomak desde Okupasaun I loron ohin ita senti Nasaun Ida nee nia murak no Esperanza boot ba ita maka Oinsá estuda makaas atu bele kaer knaar ba Rai Doben Ida nee nia abansa iha future neebe ita nia Oan sira sei akompanha no hakarak kontribui mós ba prosesu liberta povu Ida nee karik ita labele haree Politika foer balun hodi hanorin mai atu tama ba Rai kuak laran maibé ita tenke kaer metin prinsipio fundamento Avo Nana neebe iha nasionalismo makas tebes tan ita nia Moris loron aban sei hetan Vitoria diak liu Ida ohin loron. Nunee ita labele tane no buka ameasa ba malun maibé Oinsá tane as Rai nee hodi hadiak ba bebeik ninia mudansa sira…
    Aluta Avo Nana. Ami sempre hametin unidade Nasional iha Jerasaun foun nia liman.

  2. Parabes ba Avo Xanana no Avo Habibie neebe luta makas ba Rai Doben Ida Timor Leste sira nia aspitasaun ba jerasaun foun enkoraza ita atu hakmatek ba Jerasaun sira tomak tenke hakribi violensia, krime, no mai ita lao tuir ita nia Nai Ulun sira nia heroi tomak desde Okupasaun I loron ohin ita senti Nasaun Ida nee nia murak no Esperanza boot ba ita maka Oinsá estuda makaas atu bele kaer knaar ba Rai Doben Ida nee nia abansa iha future neebe ita nia Oan sira sei akompanha no hakarak kontribui mós ba prosesu liberta povu Ida nee karik ita labele haree Politika foer balun hodi hanorin mai atu tama ba Rai kuak laran maibé ita tenke kaer metin prinsipio fundamento Avo Nana neebe iha nasionalismo makas tebes tan ita nia Moris loron aban sei hetan Vitoria diak liu Ida ohin loron. Nunee ita labele tane no buka ameasa ba malun maibé Oinsá tane as Rai nee hodi hadiak ba bebeik ninia mudansa sira…
    Aluta Avo Nana. Ami sempre hametin unidade Nasional iha Jerasaun foun nia liman.
    Maibé iha sugestaun balu. Ita hakarak esklarese ba Nai ulun sira tomak katak. Atu hakesi joventude hodi halakon krime ka droga sira iha rai laran mak presiza governo ninia preparasaun ba kampu serbisu atu labele konvoka problema, labele halakon joventude nia Esperanza atu estuda ou bele diak liu tan like bolseiro Ida nebe ba kbiit laek sira nia oan maka oras nee abandona sira nia estudo tanba laiha kbiit ba eskonomia, tanba nee sira sempre lakon konfiansa hosi promesas nunee Ema datoluk KOMESA konvoka joven sira atu Tur luron ni buka sunu Malu I aserta oho Malu saugati…ita nunak produs sidadaun edukado maibé ita halakon Jerasaun mak barak tanba deit mos gaiola politika Rai laran. Aumesmo sentimento politika bele halakon Ema seluk nia Vida…Ida nee signifika ita uza maneira pembunuhan dingin. Ita nia Jerasaun Barak mak halerik ba serbisu, halerik atu eskola, laiha fatin ba sira atu like liras ba nesesidade ekonomika…nunee lakon konfiansa ikus mai provoka situasaun internalmente lahakmatek. Nunee espera katak liu hosi biban tatoli Timor ita bele akompanha hau nia komentario sira hodi akolla hela hanesan referensia dzenvolvimento unika Ideia ba prospoeriedade Nasaun no povu Rai Doben Ida nee

  3. Edukasaun Iha Timor Leste.
    Dezenvolviemnto Edukasaun iha Timor Leste sai hanesan Pilar importante mak forte ona ba Nasaun Doben Ida nee haree hosi Lian ofissial neebe Timor Leste adota maka Lian Português no Lian Tetum, Mas realidade hau nia observa direita ba eskola sira iha formal hanesan babain ita hakarak loke interkambio eskola Ida nee ho Ida seluk ita mak sai faktu ameasado fali ba Jerasaun nia kuñesimentu, ita nia implementasaun lain português sai hanesan indikador Ida ke difisil tebes ba Labarik sira nia kompriensaun ba Futuro maibé nusamak la utiliza Lian rua nee hodi buka altenativas ba translesaun iha Lian português ba tetum karik nuene, tanba selae estudante haruka Lee testu lisaun português deit nia laiha abilidade ona atu Lee sa tan atu hatene no kompriende direita ba disiplina nee. Sugestuon ba governo katak problema nee mai hosi Ema manorin laiha ka la sufisiente iha eskola sira liu-liu iha area remotas ezemplo tinan tolu liu ba hau ho Ekipa ba halo teste diagnostika iha remotas balun estudante Segundo ate terseiro ano Lee lain ofisial sira lahatene liu..sátan ita dehan português nee mais difisil. Parte tuir problem Ida tan ba neste la too tanba SE nukauza sala 4 Mestre nain Ida deit kobre hanorin hotu hosi primeiro ano ate quarto ano., ikus mai ihankestaun atu hetan Kualidade laiha, sei Kualidade laiha falla balun hosi Mestre sira simu osan Tarde, salario la sai, retroativo sira balun hetan balun lahetan ate 11 anos. Ita koalia Laos dehan Mestre ohin loron matan osan mak serbisu maibé serake Ema boot sira sae kareta mewah nusamak Mestre sira labele hetan direito até Mestre balun korban osan Fulan nian hodi uza deit ba selu uma, transported, ojek, ikus mai lakon Kualidade tanba balun lakonsege hetan transported tenke adeanta aula nee ba loron selum mak tama, seluk fali mak Mestre sira laiha formasaun ekilibrio karik bele dehan formasaun nee tenke uniforma karik hosi kalendario de formasaun ba letivo sira mak Plano dehan Fulan Lima nia laran ita halao formasaun deit ba metodologia ensinar, hodi Mestre refere bele kompete nia an ho aluno neebe estuda makas bele Lori netik Ideia foun ba nia Moris, seluk fali maka fasilidade laiha liu, hanesan manuais didatikus ba aluno laiha hodi halo konslta iha sal ka uma…Oinsá ita bele hetan kompetitiva ho Nasaun seluk. Mas realidade maka estudante ikus liu falla iha universidade. Tanba dehan Wisuda hotu laiha serbisu…nunee afeita fali ba govwrno mak lakon tan osan hodi hasai kursk oi-oin.
    Formasaun ba Mestre sira tenke bebeik no espetativa Ida nee hatene duni.Mestre sira hetan tratamento digno ka nomor satu duke gasta ba projector Kualidade mós laiha liu ikus mai hasai fali osan foun hodi halo reabilitasaun mak barak Mas ita haree katak Joventude i adultoa mós aumenta ba bebeik ita mak lakon osan tinan-tinan tanba joven ngangur afeita problema ba Nasaun. Nasaun sai kaik Ema matenek Mas lakon osan tinan ba tinan.

  4. Parabens ba Sr. Xanana ho Sr. B.J Habibi tamba esforsu tomak nebe’e mak ita boot sira halo ba iha rai doben Timor Leste. Ho sira nia servico hamutuk atu encoragen jerasaun foun sira atu servico hamutuk hodi fo liman ba malu, kaer liman hamutuk hodi lao ba oin. haluhan tiha violencia iha ita nia leet, hapara odio malu, hapara tula liman ba malu hodi kria paz no stabilidade iha ita nia rai Timor Leste. Jerasaun foun mak sei kontinua luta ba rai doben ida ne’e. Se laos ita joven sira se tan?

HAKEREK NO HATÁN

Please enter your comment!
Please enter your name here