Suspeitu na'in lima submete ba audensia julgamentu iha TDD, Kinta (18/07/2019). Imajen/Domingos Piedade Freitas

DILI 18 jullu 2019 (TATOLI) – Tribunal Distritál Dili (TDD), ohin, liuhusi audiénsia julgamentu, aplika  prizaun preventiva ba arguido CB, no medida koasaun Termu Identidade Rezidénsia (TIR) ba arguido na’in haat seluk, hanesan DNS, NB, PL no AC hodi hein kontinua prosesu investigasaun.

Suspeitu sira ne’e, Polisia Nasionál Timor-Leste (PNTL) hamutuk ho FALINTIL-Forsa Defeza

Suspeitu na’in lima taa membru F-FDTL tuir julgamentu iha TDD, Kinta (18/07/2019). Imajen/Domingos Piedade Freitas

Timor-Leste (F-FDTL) kaptura iha domingu kalan (14/07/2019), iha area Bebonuk, hafoin liu oras balun, sira taa membru F-FDTL, Abilio Babo, iha estrada parte Estasaun Kombustivel Nagarjo nia oin, iha Pantai Kelapa, Dili.

Audiénsia julgamentu ne’e prezide hosi juis, Jose Maria de Araújo, Ministériu Públiku reprezenta Prokuradora Ivonia Guterres no arguido sira hetan asisténsia legal hosi Defensór Públiku, Eustáquio Guterres, no akompaña mós advogadu hosi Instituisaun Jurídika Timor-Leste (IJTL), Marito da Silva.

Defeza arguido sira nian, Estaquio Guterres, klarifika katak, razaun tribunál aplika prizaun preventiva ba arguido ho inisiál CB tanba tuir tribunál nia haree katak arguido CB mak envolve diretamente iha kazu nee.

Defeza mós lamenta tebetebes ho atuasaun no kapturasaun ba ninia kliente sira tanba Polisia Militár (PM) ba detein ninia kliente sira iha Sela Polisia Militár husi tuku 11:00 kalan too fali dadersán mak ba fali estasaun polisia. Tanba ne’e defeza kompromete sei sei halo mós rekursu ba tribunál.

Estaquio mós esplika katak momentu polisia sira halo kapturasaun hetan objetu hanesan, katana no tudik maibé sasán sira hanesan atributu arte marsiál ne’ebé Governu suspende tiha ona.

Kona-ba katana ho tudik sira ne’e, Estaquio hateten, arguido sira uza hodi taa hudi no halo servisu seluk.

Ministériu Públiku hanesan na’in ba asaun penal, promove suspeitu na’in lima ho krime arma branka no krime tentativa omisídiu grave.

Notísia Relevante : Domingu kalan, Grupu Ilegál Taa Kanek Forsa Espesiál F-FDTL Ida

Jornalista          : Domingos Piedade Freitas

Editór                : Francisco Simões

 

HAKEREK NO HATÁN

Please enter your comment!
Please enter your name here