Vise Ministra Kuidadu Saúde Primária, Elia dos Reis Amaral. Imajen Mídia MS

DILI, 10 jullu 2019 (TATOLI)—Ministériu Saúde (MS) hala’o atividade imunizasaun no desportiva hanesan dada tali, halai karón, sa’e bua no talk show, hodi selebra Loron Nasionál Saúde ba datoluk ne’ebe monu iha loron 22 jullu 2019.

“Komemorasaun Loron Nasionál Saúde iha 22 fulan jullu tinan ne’e, liuhusi halo atividade plaka imunizasaun hosi loron 10 juñu ne’ebé hala’o iha Sentru Saúde Comoro. Atividade ne’e nia objetivu atu informa ba inan-aman sira ne’ebé iha área remota no iha kapitál Dili, katak imunizasaun ne’ebé Ministériu Saúde oferese ne’e gratuita ba labarik sira,” dehan Vise Ministra Kuidadu Saúde Primária, Elia dos Reis Amaral ba Agência Tatoli iha edifísiu Palaçio das Sinzas, Caicoli, Dili, kuarta (10/7), bainhira ramata atividade desportiva.

Antes atu tama ba loron komemorasun, nia haktuir, sira realiza mós atividade hanesan check up massal ba komunidade iha ospitál referal sira, qutrik nehan, matan ho mentál no mós kuda ai-oan.

Orsamentu ne’ebé uza ba programa komemorasaun refere, Elia esplika, hamutuk rihun $56. “Atu komemora Loron Nasionál Saúde iha mós marsa saudável hosi universitáriu sira iha Dili laran, nune’e eleva sira-nia koñesimentu hodi redúz moras la hada’et sira,” afirma governante ne’e.

Jornalista: Felicidade Ximenes

Editór: Xisto Freitas

 

HAKEREK NO HATÁN

Please enter your comment!
Please enter your name here